جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

إيناس الدغيدي تكشف تطورات حالتها الصحية: بتحسن لكن الفيروس لسه موجود

الثلاثاء 29 ديسمبر 2020 | 10:26 صباحاً
سارة إبراهيم
447
ايناس الدغيدي

كشفت المخرجة المصرية إيناس الدغيدي تطورات حالتها الصحية، وذلك بعد غصابتها مؤخرا بفيروس "كورونا" المستجد.

إيناس الدغيدي قالت: "حالتى بتتحسن، وأنا عازلة نفسى بمنزلى ولم أذهب إلى أي مستشفيات وباخد البروتوكول كما أقرته وزارة الصحة".

وتابعت: "أنا عملت تحليل الدم وطلع أن في تحسن في حالتى الصحية الحمد لله، لكن الفيروس لسه موجود، والسخونية راحت وبقيت باكل كويس عن الأول، وهعمل المسحة بعد مرور بعد 5 أيام".

وكانت المخرجة المصرية إيناس الدغيدي قد تحدثت من قبل عن الأعراض التي شعرت بها خاصة بعد إعلان إصابتها بفيروس كورونا "كوفيد19".

وقالت إيناس في مداخلة هاتفية مع برنامج "حديث القاهرة" الذي يقوم بتقديمه خيرى رمضان وكريمة عوض، على "القاهرة والناس":"دور دمه تقيل أوي، الدنيا بايظة خالص، أنا حصلي حاجة غريبة لقيت روحي في الحمام واقعة من أسبوع، ومعرفش امتى وقعت وامتى صحيت وأيه اللي حصل بس الحمدلله متخبطتش في حاجة".

وتابعت:"أنا في مهرجان القاهرة مكنتش موجودة خالص لأن كنت في الجونة وبعدها في الاسكندرية وكنت مجهدة أوي، فـ محضرتش في القاهرة غير يوم واحد وحضرت فيلم إلهام شاهين، وحضرت حفة عيد ميلاد نيللي كريم وروحتلها ساعة واحدة والمكان مكنش زحمة حرام وكان مفتوح، بس متعرفش منين جت العدوى".

وأضافت الدغيدي:"بس احنا فينا حاجة وحشة لما بنشوف حد بنحضن ونبوس ودي طبعا غلط، الآلم صعب جدا ومبتقدرش تتحرك وكأن دايس عليك قطر ودرجة الحرارة عالية، الدور صعب أوي، وبقول للناس تاخد بالها".