جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

صابرين تعلن إصابة والدتها: ماما جاتلها كورونا.. وتطالب الجمهور بالدعاء لها

الثلاثاء 29 ديسمبر 2020 | 12:07 مساءً
ندى عصام
702
صابرين

بعد أن تعافت الفنانة المصرية صابرين، من فيروس كورونا "كوفيد19"، أعلنت إصابة والدتها بالفيروس مطالبة الجمهور بالدعاء لها.

وقالت صابرين خلال استضافتها في برنامج "كلمة أخيرة"، الذي تقدمه الإعلامية لميس الحديدي:"أكتر حد كنت خايفة منه انه يتعب هو ماما لأن جاتلها كورونا واحنا دلوقتي ربنا الحمدلله كريم أن أنا قدرت اقف على حيلي عشان كلنا نبقى تحت رجليها أدعولها".

وعن تجربتها مع الفيروس، قالت صابرين:"البيت بيتحول لمستشفى، انا كنت طول الوقت بعمل احترازات وبخاف من كل حاجة، احنا عندنا احساس انها مش هتجلنا، وكلنا عاملين اجرائتنا واحترازتنا ، لكن كل عيلتي وعيلة جوزي فيها كورونا، اليقين قطع الشك".

وأضافت:"انا عرفت ان انا عندي كورونا لما مرات أخويا كنا بنتعشا مع بعض ومتجمعين مع بعضنا فاجأة لقيتها بتقولي أنا مش بشم، أول حاجة فكرت فيها ماما وجوزي لأن كان عنده تعب في صدره".

وتابعت:"أنا حسيت بتكسر عضم وسخونية وصداع لكن الحمدلله ملطشتش صدري، بس جوزي تعب اوي هو وابني وأخويا".

وكانت صابرين، قد قالت وقت إصابتها في مداخلة هاتفية مع الإعلامي وائل الإبراشي ببرنامج "التاسعة":الفيروس له خضة كبيرة جدا، ولكنه في الحقيقة دور برد، إنما خطورته في إنه مبقاش بأعراض، وده اللي أنا بحذر منه كل شعوب الدنيا".

وأضافت:"ربنا يشفيني، وشكرا على حب الجمهور اللي أنا شايفه، الحمد لله، لكن لازم كلنا ناخد بالنا، وادعوا لماما لأنها أكتر حد في الدنيا خايفة عليه".