مريم الخشت تتضامن مع يسرا اللوزي: في ناس بتخلف وتطلق في المجتمع مرضى عشان التربية مش من أولوياتهم

مريم الخشت تتضامن مع يسرا اللوزي: في ناس بتخلف وتطلق في المجتمع مرضى عشان التربية مش من أولوياتهم

انتقدت الفنانة مريم الخشت، المتابع الذي تنمر على النجمة يسرا اللوزي، ووصفها بأنها "أم الطرشة".

وكتبت مريم، عبر خاصية الـ"ستوري" بموقع تبادل الصور والفيديوهات الشهير "انستجرام":"ليه في ناس بالشكل البشع ده ؟ يسرى اللوزي من أقوى الناس اللي عرفتها في حياتي وأم مذهلة في قوتها وتفانيها وإصرارها على تربية بناتها بشكل يخليهم إضافة للمجتمع والدنيا كلها".

وتابعت:"مع الأسف في ناس بتخلف وتطلق في المجتمع مرضی عشان التربية مش من أولوياتهم.. فعلا كلمة صح : " حضرتك أنجزت إيه في حياتك؟".

مريم الخشت

وردت الفنانة يسرا اللوزي، على المتابع الذي وصفها بهذه الجملة، قائلة:"شكرا على ذوق حضرتك، أنا قررت استغل كلامك اللطيف عشان أقدم شوية توعية بخصوص هذا المصطلح، أولا المصطلح الصحيح والمقبول هو الصم وضعاف السمع وليس الطرش أو البكم، ثانيا أحب أعبر عن فخرى بكونى والدة طفلة صماء، لأنها علمتنى حاجات كتيرة جدا وبقيت بنى آدمة وأم أحسن بسببها، وأنا متأكدة إنها هتطلع إنسانة مثقفة ومتفوقة ومش هتبقى محتاجة مساعدة من حد عشان تحقق أحلامها".

وتابعت:"ثالثا.. البنت الصماء دى هى اللى ألهمتنى انى أتكلم فى البرامج وأطالب بالكشف المبكر للمواليد اللى على أساسه كل المصريين هيتعملهم كشف سمع عند الولادة، وده المفروض يشاهم بشكل إيجابى فى حياة عائلات كتير وهيسمح للأطفال الصم وضعاف السمع، إنهم يلاقوا الدعم منذ الصغر عشان يقدروا يتعلموا كويس ومايبقوش عبء على حد، بل بالعكس هيكونوا قادرين يندمجوا فى المجتمع (المريض للأسف)".

وأضافت:"فالبتالى الطفلة الصماء دى، ليها إنجازات أثرت على شعب كامل، رغم إن عمرها 6 سنين، ياريت توضحلى بقى.. حضرتك أنجزت إيه فى حياتك؟.. شكرا".