زوج كارمن سليمان: ليا دور مهم وكبير في شغلها

نشر الملحن المصري مصطفى جاد، زوج الفنانة كارمن سليمان، بيانًا على حساباته بمواقع التواصل الاجتماعي، أوضح خلاله تفاصيل علاقته الفنية بزوجته.

مصطفى جاد كتب: "كارمن مراتي وحبيبتي وأم إبني آه، بس كفنانة كارمن ليها فريق عمل عملاق ومحترف جداً بيدير شغلها بإستراتيجية مخططة من قبل كارمن الفنانة الكبيرة الذكية الواعية المتأنية واللي فاهمه كويس قوي هي عايزه تعمل إيه".

وأضاف: "كارمن أو كوكي بتختار لنفسها الأغاني بوعى ومعلمة سابقه سنها بكتير وكمان بتختار توقيتات وأماكن ظهورها بتأني وإحترام ليا ولنفسها ولجمهورها الكبير".

وأكد: "ليا دور ودور مهم وكبير في شغلها بس من واقع إني ملحن ومنتج موسيقي ليه تجربته الخاصة ودوري الأكبر إستشارة وتوعية لظروف السوق ومتطلباته بحكم إحتكاكي بأكبر الصناع في الوطن العربي والعالم كله".

وأنهى حديثه قائلًا: "شايفين كل الكلام اللي فات ده هي كمان ليها وهيبقالها نفس الدور معايا في أغانيا الجديدة اللي هتنزل بصوتي وهتشوفوا أولها قريب قوي بلون وطعم مختلفين تماماً عن كل اللي سمعتوه ليا قبل كده.. شكراً".