بعد تصريحاتها الجريئة عن "مؤخرتها" والحجاب.. تامر أمين: لسان رانيا يوسف بينقط مصايب
عبر الإعلامي المصري تامر أمين، عن استيائه الشديد من تصريحات النجمة المصرية رانيا يوسف التي أثارت بها حالة من الجدل خلال الأيام الماضية، إذا كان فيما يخص "مؤخرتها"، أو عن ارتدائها الحجاب.
وقال أمين خلال تقديمه برنامج "آخر النهار" على قناة النهار:"لسانها بينقط مصايب وأنا بتكلم عن رانيا يوسف، انا بنتقد الافعال والأقوال، وكل الاحترام للأشخاص".
وأضاف:"أفعالها انا سكت كتير وخصوصا الأسبوع اللي فات في قصة المؤخرة والموضوع سخيف جدا قولت يمكن بتهزر زي ما قالت بس ده هزار سخيف، ولو صدقتي ف يا رانيا ده هزار غير مقبول ورخيص ولا أخلاقي".
وتابع:"اتصدمت اكتر لما القناة افرجت عن التسجيل كامل ولما المذيع بيسألها عن الحجاب، ايه يا بنت الحلال اللي انتي بتقوليه ده، نصيحة لرانيا لوجه الله لو مبتعرفيش تتكلمي متعمليش حورات عشان متوقعيش نفسك في مشاكل وجرائم".
وكانت الفنانة رانيا يوسف، قد أثارت حالة من الجدل، بعد تصريحها عن الحجاب، التي أكدت أنه مرفوض من ناحيتها تمامًا وأن شكلها بدونه أجمل.
وبسؤالها عن ارتداء الحجاب، ردت رانيا خلال حوارها مع قناة الرشيد العراقية، قائلة:"يا ساتر ليه كده.. الطرحة دي هتزود مني إيه؟ هو أنا كدة مش مستورة؟ هو أنا كدة لابسة مايوه؟ أنا شايفة نفسي من غير حجاب أحلى".
وأضافت: "من امتي يا جماعة كنا محجبين.. إحنا المصريين مكناش محجبين، الحجاب ده اتفرض علينا في الثمانينيات وأواخر التسعينيات.. زوجات الشيوخ وشيوخ الأزهر غير محجبين وبشوف ده في الصور القديمة وأفلامنا الأبيض والأسود.. في حفلات أم كلثوم طلعلي واحدة محجبة قاعدة.. اللي عايز يتحجب يتحجب دي حرية شخصية".