بالفيديو| حورية فرغلي: شكلي اتغير وصوتي اتغير.. وآخر عملية قلبي وقف فيها أربع دقايق

تحدثت الفنانة المصرية حورية فرغلي، عن تفاصيل مرضها وتشوه أنفها التي أدت إلى تغير صوتها وشكلها وفقدانها حاسة التذوق أيضًا.

وطمآنت حورية، جمهورها على صحتها، وقالت في مداخلة هاتفية مع الإعلامية أسماء مصطفى ببرنامج "هذا الصباح":"أنا صحتي كويسة جدا ، بس الشكل اتغير والصوت اتغير مفيش استطعام ولا بشم أى ريحة، ساعات ببقا خايفة لو حصل حريقة مثلا ما اخدش بالي لأني مش هحس بريحة الدخان.. ربنا مدينا نعم أنا بجد معرفتش قيمتها غير دلوقتي".

وأضافت:"أنا كنت ملكة جمال مصر، مش محتاجة تجميل.. أنا الحصان وقع فوقي بالكامل وعلى وشي، معنديش مناخير.. عملية صعبة لأنها مش بس شكل لا كمان جيوب أنفيه وإني أتذوق وأشم وصوتي يرجع طبيعي".

وتابعت حدبثها قائلة:"أخر عملية عملتها قاعدت 8 ساعات وقلبي وقف فيها أربع دقايق.. أنا حابسة نفسي بقالي 10 شهور مطلعتش برا أوضة نومي عشان كورونا ومش عايزة حد يشوفني ويقارن شكلي دلوقت بقبل كده، بلبس كمامة بس الناس برضوا بتعرفني".

واختتمت حديثها قائلة:"لما كنت ناجحة كان في ناس كتير حواليا، لكن لما قعدت عشان اتعالج ملقتش حد جنبي، تليفوني مبيرنش، محدش بيسأل خالص، والناس اللي ياما وقفت جنبهم ومتأخرتش في حاجة فجأة اتنسيت بالنسبة لهم وكأنهم ميعرفونيش".