بعد طرحه أغنيه "شكرا" بصوته.. أيمن بهجت قمر يطالب بالتحقيق مع رامي صبري: هي مش سويقة
طرح الفنان المصري رامي صبري أغنية "شكرا" للفنان عمرو دياب بصوته، وذلك بعدما أعلن عن خلافه مع الملحن عزيز الشافعي واتهمه بسرقة أغنيتين منه ومنحهما للفنان عمرو دياب، والتي كان من بينها أغنية "شكرا".
الشاعر الغنائي أيمن بهجت قمر عبر عن استيائه من تصرف رامي صبري، وطالب بالتحقيق معه في نقابة المهن الموسيقية، حيث كتب: "هو ازاي رامي صبري يحط صوته على اغنيه مش بتاعته .. انا بطالب بالتحقيق في نقابة المهن الموسيقيه ولازم الشاعر تامر حسين والملحن عزيز الشافعي وشركة ناي يرفعوا قضية تعويض".
قمر أضاف، على حسابه الخاص على موقع "الفيس بوك": "اغانينا مش مشاع لاي حد في دماغه حسابات بيصفيها لازم عقاب رادع اللي يسمح لنفسه يحط صوته على عمل لا يملكه .. لازم وقفه من المصنفات الفنيه ووزارة الثقافه ولازم يتم وضع قوانين وتغليظ للعقوبات عشان اي حد يرتدع .. هي مش سويقه".
ايمن بهجت قمر ورامي صبري
وكان الفنان رامي صبري قد طرح أغنية "شكرًا" بصوته، وقد اعتمد فيها على توزيع جديد ومختلف عن التوزيع الأصلي للأغنية، بينما استخدم نفس كلمات الأغنية الأصلية.
يذكر أن رامي صبري كان قد كتب، على حسابه الخاص على موقع "الفيس بوك": "ولتاني مرة الملحن عزيز الشافعي، ياخد أغنية مني وإحنا شغالين فيها، ويديها لفنان تاني وهو الفنان عمرو دياب، بنفس الشكل التوزيعي والموزع، أغنية شكرا كده للي سابنا وأغنية زي ما أنتي، لذلك قررت عدم التعامل معه مرة أخرى".
رامي صبري وعزيز الشافعي
ومن جانبه، كذّب عزيز الشافعي كلام رامي صبري، بقوله: "مش هرد بالتفاصيل على كلام الزميل المحترم، عشان لما الواحد يبقى ليه فضل بعد ربنا في نجاح فنان وبيزود رصيده مع الناس، بيعز عليه بعد كده يقلل منه حتى لو تجاوز، ورغم إن كلامه كله مالوش أي أساس من الصحة، أحب دايما أشوفه ناجح وبيكمل اللي عملناه".
وأضاف: "وبشكره على استجابته لطلبي وقراري الشخصي اللي بعتهوله الصبح من خلال صديقنا المشترك محمد حامد بإننا منشتغلش تاني ونكتفي بنجاحاتنا، وبعتذر للسادة الصحفيين اللي بيتصلوا بيا مش عايز أدي الموضوع أكبر من حجمه وبكتفي بالبوست ده وبالكلام المحترم اللي كتبه زميلي وشريكي تامر حسين على صفحته عن أغنية شكرا، أما بخصوص زي ما أنتي فممكن ترجعوا للصديق المشترك محمد حامد وتسألوه".
رامي صبري وعزيز الشافعي