جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

سارة الطباخ تهاجم محمد الشرنوبي: القانون هياخد مجراه ونشوف مين هيضحك في الآخر

الثلاثاء 19 يناير 2021 | 12:01 مساءً
ندى عصام
581
سارة الطباخ

هاجمت المنتجة سارة الطباخ عددًا من المنتجين بسبب تعاملهم مع الفنان محمد الشرنوبي دون الرجوع إلى شركتها.

وعلق أحد المتابعين ساخرًا من منشور سارة، قائلًا:"كل مرة بتكتبي كدة وبنلاقيه منور في الشاشة"، لترد الطباخ عليه قائلة:"حلو إنك تضحك بس القانون بياخد مجراه وهنشوف مين اللي هيضحك في الآخر".

وأضاف المتابع:"انا ماقصدش أقلل من اللى انتى كتباه، انا بس شايف أن شرنوبي مش همه حاجه و بيتعامل بدماغه"، لترد الطباخ:"عدم احترام القانون و اخلاله بالعقد يجازي علية القانون".

سارة الطباخ

وتمنى المتابع لسارة التوفيق، قائلًا:"ربنا يوفقك و تاخدى حقوقك طبعا ، بس هو مش هيتأثر بحاجه ، هو نجمه ب يعلى و شغله بيزيد والمنتجين هما اللى هيدفعوا فى الاخر ليكى لو قضيتك كسبتيها"، لترد عليه:"والله دي حاجة حلوة جدا و انا مش عايزة غير فلوس و حضرتك مش مقياس عشان تعرف مين نجمة بيعلي لو اجرة بقي اقل فدة مش معناة انة بيعلي خالص ".

سارة الطباخ

وتابع:"ربنا يوفقك، و يكون الموضوع فلوس بس، هو بيقول أن الموضوع انك عايزه توقفى نجاحه و تاخدى منه الشهره اللى انتى كنت سبب فيها"، لترد سارة عليه:"هو يقول الي يقولة و انا مبردش علي كلام بدون معني انما فنان بيشتغل سنتين من غير ما يدي نسبة الشركة او يدفع الشرط الجزائي للشركة و هو ٦٠٠ الف دولار شركات انتاج مين تكون مطمئنة من انة بيحترم تعاقداتة".

واختتمت سارة حديثها:"حضرتك الشركة صرفت علية ملايين تتعدي ال٢٠ مليون جنية و في ٣ سنين بعد ما كان اجرة لا يتعدي ال١٠٠ الف بقي بياخد ٥٠٠ و ٦٠٠ فلو الشركة متستاهلش نسبتها مين يستاهل !! و لو هو بيحترم التعاقد كان دفع و خلصنا و كل واحد راح لحاله بالاحترام مش بالتحايل علي القانون و ادعاء فسخ العقد لامضاء عقود و يدخل الشركة في مشاكل مع شركات محترمة اخري لاثبات حقوقها".

وكانت سارة الطباخ قد كتبت عبر صفحتها الشخصية على "فيسبوك":"السادة المنتجين المحترمين في الساحة الفنية تم التعامل اليوم بشكل قانوني مع كل الشركات التي تعاقدت مع فناني شركتي" ايرث برودكشن" صاحبة الحق الحصري في التوقيع علي اية عقود خاصة بكل الفنانيين لأن عقودهم جميعا مازالت سارية ولم تفسخ كما يدعون بهدف خداع الشركات و لا يحق لهم التعاقد او امضاء العقود او قبض اموال بطريقة مباشرة ،وقام المستشار القانوني للشركة بإقامة دعاوي قضائية ضد كل هذه الشركات حفاظا علي حقوق الشركة وأدعو كافة المنتجين إلي عدم التعاقد معهم بشكل منفرد بعيدا عن الشركة حفاظا علي العلاقة الطيبة مع كل الزملاء في مجال الإنتاج الفني بكل انواعة ومجال الاعلان وشركات الإتصالات والتطبيقات الرقمية وتنظيم الحفلات".

سارة الطباخ

وتابعت:"وكل من يتعدي علي حقوق الشركة ستقوم الشركة بأخذ كل الاجراءات القانونية فورا للحفاظ علي حقوقها الادبية و القانونية".

وقضت محكمة جنوب الجيزة الابتدائية، في الجنحة رقم 1626 لسنة 2020 جنح الشيخ زايد، بحبسها بتهمة تبديدها مبالغ مالية للفنان محمد الشرنوبي بموجب توكيل رسمي، وخيانة الأمانة.

سارة الطباخ