صورة.. منى هلا: ما سابنيش ولا لحظة لما كنت تعبانة ومكانش بيصحينى حتى لو جعان.. من هو؟

عبرت الفنانة المصرية منى هلا عن أسفها الشديد بسبب عدم حبها في وقت سابق لمخلوقات وصفتها بـ "الرائعة" و"الحنينة".

منى هلا كشفت أن هذه المخلوقات هي القطط، ونشرت صورة لها مع قطها "فريدي"، على حسابها الخاص على موقع "انستجرام"، ووصفته بأنه ابنها".

الفنانة المصرية كتبت: "الصراحة انا مش عارفة ازاى مكنتش بحب القطط قبل كده و حقيقى بعتذر لهذه المخلوقات الرائعة الحنينة العسولة.. فريدى ابنى ما سابنيش ولا لحظة لما كنت تعبانة و مكانش بيصحينى حتى لو جعان او محتاج حاجة".

وأضافت: "ومكانش متقل عليا بالعكس وجوده جنبه كان مخلينى أقوى و كان بيسلينى ويضحكنى وبيدينى طاقة ايجابية وكإنه بيجى يتطمن عليا كل شوية انى كويسة".

وتابعت: "عاوزة أشكر فريدى على الحب والعطاء وعلى تغيره لحاجات كتير فى حياتى واحب اقوله انه فعليا اغلى حاجة فى حياتى واكتر حاجة انا حبيتها من ساعة ما اتولدت".