نشوى مصطفى تتعرض للتنمر بـ"انتي ممثلة أي كلام وخريجة معهد".. والفنانة: أتصرف ازاي ؟
نشوى مصطفى
روت الفنانة المصرية نشوى مصطفى، تفاصيل تعرضها للتنمر من قبل شخص قال إنه معد في أحد البرامج، وصفها بأنها ممثلة "أي كلام"، ولا أحد يشاهدها غير أولادها فقط.
وحكت نشوى القصة من خلال صفحتها الشخصية بموقع التواصل الاجتماعي "فيسبوك"، قائلة:"امبارح الساعة واحدة ونص الصبح، كلمني شخص علشان يقول لي إنه عايزنى ضيفة فى برنامج —، والحقيقة كلمنى على رقمين تليفون ماردتش على الأول ولما كلمنى على الرقم التانى قلت أكيد فيه مصيبة وحد بيستنجد بيا من أهلي مثلاً".
وأضافت:"المهم كتبت بوست إمبارح، شرحت اللي حصل بدون ما أذكر اسمه ولا رقمه ولا البرنامج ولا القناة، النهاردة دخل وأعلن عن نفسه وإنه كان بيتصل بيا لأنى ممثلة أي كلام ومحدش بيتفرج عليا غير ولادي، وإنه هو خريج جامعة أمريكية، وإنى مجرد خريجة المعهد العالي للفنون المسرحية التابع لوزارة الثقافة المصرية".
وتابعت حديثها قائلة:"من فضلكم محتاجة مشورة، اتصرف إزاي علشان أفهمه آداب التعامل مع فنانة مصرية عضو نقابة المهن التمثيلية وخريجة المعهد العالى للفنون المسرحية التابع لوزارة الثقافة المصرية اللي بيعايرنى بيهم.. وعايزة أقول ملحوظة، إني مثبت على تليفوناتى الوقت اللي اتصل فيه على التليفونين".
يذكر أن الشخص كتب:"غريب أوي أن الفنانين طالعين في تقليعة جديدة وهى محاربة التنمر طب اصدقكم ازاي وانتم في مسرحياتكم وأفلامكم بتنشروا التنمر زي أن أي ممثل كوميدي يطلع ممثل طخين ومليان علشان يضحك الناس على حجمه أو فنان أسود زي مسرحية هنيدي واخوه بكر نص ساعة كاملة تنمر على لون بشرته أو اللي عنده صعوبة في النطق أو مخرج الكلام مختلف فيطلع يتنمر بطريقة كوميدية عفنة تعيب على خلق ربنا وغيره وغيره وغيره، وفي الآخر اسمع انهم بيحاربوا التنمر شيء مضحك مبكي".