بعد نشره صورة مع ابنته.. طليقة خالد عليش تهاجمه: بيستغلها زي ما كان بيستغل أمها

شارك الفنان والمذيع المصري خالد عليش، جمهوره بصورة جمعته بابنته، معبرًا عن حبه الشديد لها.

وعلق عليش، على الصورة الذي نشرها عبر حسابه الشخصي بموقع تبادل الصور والفيديوهات الشهير "انستجرام"، قائلًا:"حاولت أدور على كلام كتير أكتبه على الصورة بس مالقتش عشان مش دايما الكلام بيوصف الإحساس والمشاعر".

وتابع:"يارب احفظ بنتي وإبعد عنها كل شر وإعمل لها اللي فيه الخير ويوقف في طريقها أولاد الحلال في حياتي وبعدها إن شاء الله".

خالد عليش

ومن جانب طليقته الفنانة ميما الشامي، انتقدته خاصة أن كلام عليش على صورته مع ابنته لم يعجبها، حيث كتبت عبر خاصية الـ"ستوري" بموقع "انستجرام"، قائلة:" مر ما كان الحب والأبوة، إن أبويا ينزل صورة لينا ويكتب بحبك، عشان الناس تقول الله ده بيحب بنته وحنين، وينسيّ الناس اللي عمله، الأبوة هي الرجولة والحب، إنك متخليش بنتك محتاجة حاجة، لا ماديا ولا معنويا".

زوجة خالد عليش

وأضافت:"الأب اللي بيربي ويكبر ويشقى ويصرف ويشيلها، مش أنسى بنتي وافتكرها كل شهر مرة، أخدها أصورها واستغلها زي ما كان بيستغل أمها، حسبي الله ونعم الوكيل في كل أب بالشكل ده، الأبوة مش سوشيال ميديا، محدش يصدق أي حاجة بتتنشر على السوشيال ميديا مش هي دي الحقيقة".