مخرج فيلم "الباشا تلميذ" يكشف كواليس أحد مشاهده: اتعاد 26 مرة بسبب ضحك كريم عبدالعزيز على إفيه حسن حسني

كشف المخرج المصري مجدي الهواري كواليس أحد المشاهد الكوميدية في فيلمه "الباشا تلميذ"، والتي جمعت الفنان كريم عبدالعزيز بالفنان حسن حسني والفنان رامز جلال والفنان سعيد طرابيك.

مجدي الهواري نشر صورة من المشهد، على حسابه الخاص على موقع "انستجرام"، وعلق قائلا: "من كواليس المشاهد التي لا تنسي من #افلامي للعظيم #حسن_حسني .. وكريزة ضحك أخرى لم تتوقف لمدة نصف ساعة بسبب مفاجأة عم حسن علي الهوا وهو بيقول اعقلوا الكلمة".

وأضاف: "فاجئنا فاضحكنا كلنا فضحك كريم عبدالعزيز ومقدرش يوقف ضحك من ساعتها لحد النهارده . كل مانفتكر انا وهو ورامز جلال يوم تصوير المشهد ده تلقائية عم #حسن_حسني نضحك والله لحد دلوقتي وبعدين قال "اسأل شهاب ولا انت مبتنزلش.. كان عبقري في اضافة الإفيه في التصوير بشكل تلقائي دون المساس بالنص أو بكلام المشهد وكل ده في الشوت علي الهوا وعفوي".

وتابع: "اتفرجوا علي الفيلم وشوفوا ضحك كريم عبد العزيز الحقيقي والله مكنش بيمثل . رغم اعادة التصوير للمشهد ٢٦ مرة وفي الاخر اضطرنا ناخد المشهد بضحكه الحقيقي.. لاننا لم نستطيع السيطرة علي الناس ديه لما تتجمع في مشهد، غير كتير مواقف في الفيلم عايز اكتب عنها سنة كاملة ".

وأكمل: "وتبقي احكي كمان علي موقف #خالد_صاوي وأسرة مع بعضينا في طابا وربنا يستر علي الله هيحصل لأول مرة نشر هذه المواقف ،وبالذات في مشاهد اللي بتجمع حسن حسني مع كريم عبدالعزيز زي مشهد #يافاشل_يافاشل #وحازم_حازم #وبسيوني_بسيوني هو ومحمد لطفي يااااااااااه والله أيام كانت جميلة والممتع اكتر #كواليس_الفيلم ".

المخرج المصري اختتم كلامه، بقوله: "الله يرحمك ياعم حسن يا نادر ويرحم عم سعيد طربيك ..ومن ساعتها يا سادة بقيت واحدة من العلامات الفيلم ده " #اعقلوا_الكلمة" #الباشا_تلميذ سادس أفلامي".