جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

بعد إعلان حفلها بساقية الصاوي.. لقاء الخميسي ترد على منتقديها: أنا مغنية كويسة

الثلاثاء 26 يناير 2021 | 09:58 صباحاً
ندى عصام
1031
لقاء الخميسي

قررت الفنانة المصرية لقاء الخميسي، الرد على منتقدي حفلها بساقية الصاوي، التي أعلنت عنها الأيام الماضية ومن المقرر إقامته يوم 11 فبراير المقبل.

ونشرت لقاء فيديو عبر صفحتها الشخصية بموقع التواصل الاجتماعي "فيسبوك"، قائلة:"الناس اللي بتسأل عشان حفل ساقية الصاوي وبتقولي انتي مغنية ولا ممثلة هو لما أنتي ممثلة ليه بتغني؟".

وأضافت:"العادي أن أي ممثل المفروض يكون لما يتطلب منه يغني يغني ولما يطلب منه يرقص يرقص.. مشفناش عمرنا ممثلين بيغنوا أبدا؟".

وتابعت:"أنا بعتبر نفسي بغني كويس ومؤدية كويسة والممثل المفروض يكون بيعمل كل حاجة وأنا بحب الغنا.. وفي فرق بين المطرب والمطربة ومغني ومؤدي.. بس الموضوع بسيط وبعدين اللي نفسه يعمل حاجة بيحبها ميعملهاش ليه وهو شاطر فيها وأي حد بيحب حاجه يعملها".

واختتمت حديثها قائلة:"أنا بحاول أرسم اليومين دول وبرسم عادي وبغني وبعزف وبرقص دي حاجه طبيعية فـ مش عارفة الأزمة فين".

من ناحية اخرى، أكدت الفنانة لقاء الخميسي أن زوجها محمد عبدالمنصف، حارس مرمى فريق وادي دجلة، يستحق أن ينضم لمنتخب مصر، بعد تألقه في الفترة الأخيرة في مباريات الدوري الممتاز.

لقاء الخميسي وجهت رسالة لزوجها، على حسابها الخاص على موقع "الفيس بوك": "من يومك راجل في الملعب كنت دايما راضي وقانع وبتتحمل أخطاء وتخاذل الغير بدون كلل ولا ملل ولا شكوى".

وأضافت: "صوتك واطي ورامي حملك على الله وعمرك ما اشتكيت ومركز في حلمك وحبك الاول "الكورة" . اتحاربت كتير ومازالت الحرب قائمه ومع ذلك صامد كالجبل يا حبيبي ومش شايف غير حلمك".

وتابعت: "النهارده وفي اللحظة دي وبعد سنين انتظار وحلم وجودك تاني في منتخب بلدك وبعد صبر كتير وطويل وثقتك في حلمك لو فعلا ماخدتش مكانك اللي تستحقه في منتخب مصر يبقى أكيد في حاجه غلط، أوسه يستحق منتخب مصر".