بعد تشبيهها بالسندريلا.. إيمان سلامة: سعاد حسني لن تتكرر وتشبيهي بها إثبات لإمكانياتي

ردت الفنانة المصرية الشابة إيمان سلامة، على تشبيه البعض لها بالنجمة الراحلة "السندريلا" سعاد حسني.

وكتبت إيمان، عبر صفحتها الشخصية بموقع التواصل الاجتماعي "فيسبوك":"أنا ممثلة وطبيعي أي ممثلة أو ممثل لما يكون عنده حاجه بتميزه بيشتغل عليها وبيعرضها للناس من باب إنها امكانيات تمثيلية وإنه يقدر يتلون ويعمل أكتر من حاجة وده اللى أنا عملته بصور الشبه بسعاد حسنى وأى ممثلة مكاني مع تشجيع الناس هتعمل زى ما أنا عملت وطبيعى، زى ما كمان أثبت بشغلى وكنت قاصده أكون بعيده تمامًا عن الشبه ده لما عملت دور ليلى فى الأب الروحى أو شهد فى البيت الكبير أو روز فى سلسال الدم وغيرهم أعتقد إنى مكنتش بعتمد على شكلى او شبه نهائي".

ايمان سلامة

وتابعت:"أنا مش هعمل دور سعاد حسنى فى أي عمل أبدًا.. والتشبيه بسعاد حسنى هو بالنسبالى كان بمثابه إثبات امكانيات ممثلة واجتهاد منى والاجتهاد والتنوع شيء مشروع وحبى ليها حقى زى ما هو حق لكل اللى بيحبوها من فنانين وجمهور".

واختتمت حديثها قائلة:"سعاد حسنى حالة لن تتكرر ومفيش ممثلة مصرية مبتتعلمش من أدائها و موهبتها الكبيرة.. وأى اسم يتذكر جنبها شرف ومسؤولية لأي ممثل.. أتمنى أكون رديت بشكل واضح للكل.. و شكرًا".