صور| دعاء عامر تكشف آخر كلمات عبلة الكحلاوي لها: أنا خلصت رسالتي
نعت الإعلامية المصرية دعاء عامر الداعية المصرية عبلة الكحلاوي، وكشفت عن آخر كلمات قالتها لها قبل رحيلها.
دعاء عامر نشرت مجموعة صور جمعتها بالراحلة عبلة الكحلاوي، على حسابها الخاص على موقع "انستجرام"، وعلقت قائلة: "اللهم ارحم ماما عبله رحمه واسعه ام الناس كلها وامي حبيبتي".
دعاء عامر وعبلة الكحلاوي
وأضافت: "كانت ملاك انا اعرفها وعلاقتنا بدأت من اكتر من عشرين سنه واستمرت لحد دلوقتي و اشهد بصدقها و باخلاصها و نقاءها وحنانها و ان مفيش زيها ولا في طيبتها وجمال قلبها احنا اشتغلنا سوا و سافرنا عمرات سوا و عملنا خير كتير سوا و يارب اجعل كل عملنا في ميزان حسناتنا".
دعاء عامر وعبلة الكحلاوي
وتابعت: "ماما عبله على مستوى الدعوه و في حياتها الشخصيه واحد هي هي ام كلها عطاء وحب و تسامح وخير الله يرحمها حبيبتي يا بختها دلوقتي هي الكسبانه و ان شاءالله في عليين و نحسبها من الشهداء و دايما باقول ماما عبله انسانه في دعوتها و في حياتها حقيقيه ميه بالميه مفيش زيها صادقه و مخلصه".
دعاء عامر وعبلة الكحلاوي
وكشفت عن آخر كلماتها لها، بقولها: "وهي كانت حاسه كذا مره في الايام الاخيره تقولي انا خلصت رسالتي البركه فيكم وانا مستعده اقابل ربنا.. احنا بجد ناخد العبره اننا نركز في اننا نعيش بالاخلاق والصفات الحلوه العطاء والتسامح والحب والخير علشان نخرج من الدنيا على خير زي ما كانت بتقول ربنا يخرجنا من الدنيا على خير و الله يرحمها و يرحم امهاتنا و اباءنا و اهلنا و احبابنا ويرحمنا كلنا دنيا و اخره و اللهم احسن خاتمتنا جميعا يارب".
دعاء عامر وعبلة الكحلاوي
دعاء عامر وعبلة الكحلاوي