منى زكي عن ختان الإناث: جريمة مايقبلهاش عقل ولا دين ولا قانون

حرصت النجمة المصرية منى زكي في اليوم العالمي للقضاء على ختان الإناث، على توعية الأمهات بخطورة هذه العادة على بناتهن، وذلك بصفتها سفيرة نوايا حسنة لليونيسيف.

منى زكي كتبت، على حسابها الخاص على موقع "انستجرام": "مفيش أم تقبل على بنتها حاجة تضرها، بس فيه أمهات لحد دلوقتي مش مدركين قد إيه جريمة بشعة زي ختان البنات بتيجي على كرامة وصحة وحياة بناتهم".

وأضافت: "ختان البنات مش عفة ولا أي حاجة من الكلام ده، وللأسف فيه أهالي كتير فاكرين إنهم لو عملوا "ختان طبي" لبناتهم يبقى كدة عملوا اللي عليهم.. انتى اكتر واحدة عارفة مصلحة بنتك، وأكتر واحدة تقدري تحميها من جريمة مايقبلهاش عقل ولا طب ولا دين ولا قانون".

وتابعت: "النهاردة اليوم العالمي للقضاء على ختان البنات، وأنا كسفيرة نوايا حسنة ليونيسف حابة أوعي الناس بالقضية دي، خصوصًا إن ناس كتير لسه متعرفش إن فيه جهة حكومية اسمها اللجنة الوطنية للقضاء على ختان الإناث بقيادة المجلس القومى للمرأة والمجلس القومى للطفولة للتوعية بأضرار ختان البنات".

واختتمت كلامها، بقولها: "لو عاوزة تستفسري اكتر أو محتاجة مساعدة علشان تحمي نفسك أو بنتك أو أي بنت تانية من الختان، كلمى خط نجدة الطفل ١٦٠٠٠ او خط المرأة ١٥١١٥. وربنا يحمي كل البنات.. #احميها_من_الختان".