بعد أزمة إلغاء زفافها.. سالي عبدالسلام تكشف عن مرضها: مش عارفة افتح عينى
بعد الأزمة النفسية التي تعرضت لها مؤخرا بسبب إلغاء زفافها فجأة، كشفت الإعلامية المصرية سالي عبدالسلام عن معاناتها من مرض بعينيها.
سالي عبدالسلام نشرت صورة لجفنها، على حسابها الخاص على موقع "انستجرام"، وعلقت قائلة: "زى ما اتفقنا هنزل الحلو والوحش وقرار فى حياتى خلاص عشان مش هاخد السوشيال ميديا فى الحلو بس!!".
وأضافت: "لأول مرة فى حياتى اوقف تصوير بسبب ٣ دمامل فى عينى مش عارفة افتح عينى منهم بعد ما جيت و قاوحت وقلت هصور ونجرب! مقدرتش اكمل!!!".
وتابعت: "سبحانه! الحمدلله فى كل ضراء و سراء يا الله ... الحمدلله .. رضا! معرفش هتخف فى قد ايه! هتحتاج اى تدخل غير العلاج ولا لا! هنرجع فى قد ايه! معرفش بس الحمدلله.. ادعولى ..انا بدعى لأى حد يأمنى ادعيله".
وكانت الإعلامية سالي عبدالسلام قد أكدت مؤخرا إنها كانت تأتي إلى الاستديو وهي باكية، بسبب حالتها النفسية السيئة بعد عدم اكتمال موضوع زواجها.
وقالت سالي خلال تقديم حلقة برنامجها "قصة حقيقية":"أنا جيت معظم الحلقات وأنا معيطة، ومش مكسوفة إني أقول كده، أهلي بيستنوا مني إني أكون قوية، لكن اللي حصل المرة دي إني منيت نفسي أوي، مش هقول إن اختياراتي غلط، لأني مش بختار أصلا، أنا ممكن ألاقيني داخلة في قصة وأنا مخترتش عادي، أنه شخص مناسب، أنا بختار السكينة والمودة والرحمة، مش زي ما الناس بيقولوا إني مش عاجبني العجب بسمعها كتير".وأضافت:"أيوه كنت باجي التصوير كتير جدا معيطة وبالذات الشهر ده، عشان كنت ممنية نفسي إني هكتب كتابي وأتجوز، بس الموضوع ممشيش ومحصلش نصيب، لأن أغلبية اللي بنعرفهم مبقوش قد المسؤولية ومبقوش رجالة ومبقوش يستاهلوا، مذيع الاجتماع برضوا ملهوش حصانة إنه يحكى ويتكلم".
وتابعت:"الحمد لله يا رب، يمكن أخدت مني حاجات كتير أوي بعد ما كنت منيت نفسي ومتوقعتش أنها هتتاخد مني وفي الوقت ده، الفترة دي كل ما أكلم حد أعيط ويصعب عليّا نفسي، بس أنت عوضتني يا الله".