محمد أنور يخضع لعملية جراحية.. ويعبر عن آلامه: النوم ودخول الحمام بقى حلم

كشف نجم "مسرح مصر"، الفنان المصري محمد أنور عن خضوعه مؤخرا لعملية جراحية، وهي عملية "فتاق في البطن".

محمد أنور عبر عن شعوره بآلام شديدة جراء العملية، حيث كتب، على حسابه الخاص على موقع "الفيس بوك": "أي واحد في العادي لما بتسأله ايه من نعم ربنا نفسك تكون عندك اغلب الناس بيتمني نعم كتير وقليل اللي بيفكر في اهم نعمة وهي نعمة الصحه".

وأضاف: "للأسف دي النعمه الوحيده اللي مابتفكرش فيها غير لما يجيلك مرض او تعمل عمليه ساعتها بتلاقي ابسط الاشياء اللي كنت بتعملها عادي زي دخول الحمام او النوم بقي حلم من احلامك وساعتها بتتمني من ربنا زوال كل النعم اللي عندك بس ترجعلك صحتك".

واختتم كلامه، بقوله: "معلش مش قصدي ابقي عميق والله بس اصل انا عملت عمليه صغيره اوي واتعلمت منها كتير اوي فقولت اكتب الكلام ده عشان لما ابقي كويس وانسي النعمه دي الفيس بوك يفكرني".

محمد انور