بصورة.. علي الطيب يتذكر موقف مؤثر مع والده الراحل في حفل زفاف سشقيقته

فجع الفنان المصري الشاب علي الطيب بوفاة والده، يوم الأربعاء 3 فبراير الماضي، وأعلن هذا الخبر الحزين، على حسابه الخاص على موقع "الفيس بوك".

علي الطيب نشر صورة قديمة جمعته بوالده الراحل من حفل زفاف شقيقته، وتذكر موقف مؤثر حدث بينهما، حيث كتب: "الله يرحمك يا حج و يحسن إليك و يجعل قبرك روضة من رياض الجنة.. صورة من يوم فرح أختي وصلت كتب الكتاب متأخر لسه بعتذر لأبويا وبفهمه اني مخلص تصوير الصبح و عقبال ما نمت ساعتين و جهزت و جيت من أكتوبر لمدينة نصر.. قالي اهدى و خد أختك سلمها لجوزها و باركلهم و ادعيلهم".

علي الطيب ووالده

وأضاف: "بقولوا ربنا يديك طولة العمر يا حج مش المفروض ان أنت اللي تعمل كده.. قاللي اسمع كلامي بس و بوس دماغها عشان متحسش انك إتأخرت عليها و انك جنبها و ربنا يخليكم لبعض.. و يخليك لينا يا حج أنت و ماما و يباركلي فيكم.. و بدأ يراقب المشهد ودموع الفرحه في عنيه.. الله يرحمه و يحسن إليه و يسكنه فسيح جناته".

واختتم كلامه، بقوله: "تعبت وشقيت وضحيت كتير أنت وأمي عشاننا كتير وفهمنا كل حاجه لما كبرنا أكتر، و يارب تكون فرحان باللي أنا حققته و صدقني كل انجاز حصل كان ببركة دعواتكم ليه أنت وأمي وعلى وعدي ليك في كل حاجه و ربنا يجمعنا بيك في الجنة يا حبيبي.. أسألكم الدعاء لأبي بالمغفرة و الرحمه و الفاتحة على روحه الطيبة".