بصورة باهتة.. منى زكي تدعم المصابين بالمياه الزرقاء: شوفوا بعيونهم

انضمت النجمة المصرية منى زكي لحملة "شوف بعيني"، للتوعية بمعاناة أصحاب الإعاقة البصرية، ومن بينها مرض "جلوكوما" أو "المياه الزرقاء".

منى زكي نشرت صورة باهتة لها ويغلب عليها اللون الأسود، كاشفة أن هذه صورة طبيعية لكن من عيون شخص مصاب بمياه زرقاء أو "جلوكوما".

النجمة المصرية كتبت، على حسابها الخاص على موقع "انستجرام": "اللي على الصورة ده مش فلتر، دي صورة طبيعية بس من عين شخص عنده مياه زرقة أو (جلوكوما ) ودى من أشهر أنواع ضعف البصر وبتيجي من تكون سوائل على العين بشكل بطيء ومش ملحوظ و بتعلي ضغط العين وممكن تؤدى إلى فقدان كامل للبصر".

وأضافت: "أحسن طريقة للوقاية هى المتابعة وقياس ضغط العين بانتظام... يقدر الشخص ضعيف البصر بسبب الجلوكوما يعيش حياة طبيعية لو اتدرب و اتعلم ازاي يستخدم المتبقى من بصره".

واختتمت كلامها، بقولها: "تابعوا مؤسسة بصيرة خلال شهر فبراير علشان تتعرفوا على أنواع ضعف البصر والخدمات اللي بتقدمها فى التأهيل والتدريب.. لما بنشوف الدنيا بعيون غيرنا بنقدر نتخيل حياتهم ونفهم احتياجتهم. #شوف_بعين #ضعف_البصر #مؤسسة_بصيرة".