جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

تامر حسني يعتذر للجمهور في عيد الحب.. ماذا حدث؟

الاحد 14 فبراير 2021 | 03:33 مساءً
ندى عصام
785
تامر حسني

اعتذر النجم المصري تامر حسني، بسبب عدم طرحه أغنية جديدة لجمهوره بمناسبة الفلانتين الذي يوافق اليوم 14 فبراير.

وكتب تامر عبر صفحته الشخصية بموقع التواصل الاجتماعي "فيسبوك":"كان نفسي انزل في يوم ١٤ /٢ بأغنيه جديده مصوره بس للاسف مخلصتش بالشكل اللي أنا منتظره واللي يليق بجمهور محترم زيكم فا محتاجه لسه شغل كتير فيه".

وتابع:"وانا لايمكن اتسرع و انزل بعمل لسه مش جاهز ، بعتذر لكم جداً جداً جداً انا آسف كان نفسي اشارككم في اللحظه دي بالعمل دا بس ملحوقه ان شاء الله كل سنه و انتوا طيبين و يوم حب جميل عليكم".

تامر حسني

وكان الفنان تامر حسني، قد وجه نصيحة لجمهوره لمواجهة الحقد والغل والكراهية والطاقة السلبية، التي قد يتعرضون لها.

تامر حسني كتب، على حسابه الخاص على موقع "انستجرام": "نهاركم جميل زيكم، من كام يوم نزلت بوست تحفيزي ليكم عن النجاح والحقيقه فرحت اوي من استقبالكم للبوست وسبحان الله حسيت ناس كتير كانت مستنيه تسمع كلام زي دا ،، يا جماعه احنا في العصر الصعب دا بنواجه كمية حقد و غل و كراهيه و طاقه سلبيه مش طبيعيه لازم نرد عليها بالعكس".

وأضافت: " لازم يكون في طاقه اكبر بترد على كل الإحباط دا، و الحقيقه ان انا عندي بعض الخبرات في الحياه من خلال رحلتي المتواضعه احب اوصلها ليكم ، هحاول كل كام يوم اتناقش معاكم في موضوع او اقترح عليكم حاجه بعملها دايماً ، هبدأ بحاجه بعملها بإستمرار و علمتها للمقربين مني و مواظبين عليها من سنين".

وتابع: "وهي انكم حالاً تستحضروا ناس في دماغكم بتحبوهم و تدعولهم بأسمائهم في ظهر الغيب بكل اللي يتمنوه، و كل فتره نكررها ونثبتها زي ما بنثبت حجات تانيه في حياتنا مش بالاهميه دي، والله هتلاقوا تساهيل كتير حصلت مش هتعرفوا بتحصل منين .. يلا بينا دعوااااااااااااااااااااااات".