جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

لميس الحديدي تكشف آخر تطورات الحالة الصحية لزوجها عمرو أديب بعد الحادثة

الاحد 21 فبراير 2021 | 09:29 صباحاً
ندى عصام
2478
عمرو اديب ولميس الحديدي

حرصت الإعلامية لميس الحديدي، على توجيه رسالة شكر لكل من سأل عن زوجها الإعلامي المصري عمرو أديب، بعد الحادث الذي تعرض له، إضافة إلى طمآنة الجمهور على صحته.

وقالت لميس في برنامجها "كلمة أخيرة" المذاع على قناة ON:"عاوزه أتكلم في موضوع مالوش علاقه بالشغل، عاوزة أطمن كل الناس اللي بتسأل على عمرو بعد الحادثه الصعبة اللي تعرض لها مساء الثلاثاء الماضي، هو الحمد لله بخير بشكل عام ربنا نجاه بأعجوبة الحقيقه لأن العربية اللي خبط فيها واللي وقفت فجأة، كانت محملة بأنابيب بوتاجاز فكان ممكن تنفجر في أي لحظة".

وأضافت:"الدكاترة طمنونا على حالته عموما، لكن هو لسه بيعاني من آلام مبرحة غالبا من الكدمات والردود نتوقع إنها تاخد بعص الوقت، وإن شاء الله يحاول يرجع لجمهوره قريبا بإذن الله، لكن هو محتاج يستريح شويه علشان يقدر يرجع تاني، وانا طبعا ماكنتش هقدر انزل الشغل او أكون معاكم إلا وأنا مطمئنة عليه انه بيتماثل للشفاء وأن حالته تسمح أني اسيبه بعض الوقت، لأن في مثل هذه الاحداث دوري كزوجة بييجي قبل دوري كإعلامية".

وتابعت:"عاوزة أشكر كل الناس اللي سألوا علينا وعليه من أصغر حد لأكبر حد، من الجمهور البسيط اللي كان بيبعتلي رسائل ودعوات وشمع في الكنائس، لأكبر مسئولين في البلد بشكرهم جميعا، زملاءنا الإعلاميين، الفنانين من كل الوطن العربية، الدكاتره اللي كانوا بيكلموني ، مستشفي دار الفؤاد اللي انقذت عمرو في اللحظات الأوبى، ألفا سكان اللي دايما في ضهرنا، و طبعا أصدقائي وأصدقاء عمرو اللي ماسابونيش لحظة واحدة. باعتذار اني ماكنتش بارد علي الاتصالات، لكن ممتنين جدا لاهتمامهم، وحبهم اللي حسينا بيه".

وكان الإعلامي المصري عمرو أديب قد تعرض لحادث سير خطير بمنطقة السادس من أكتوبر، وتداول رواد مواقع التواصل الاجتماعي صورة لسيارة عمرو أديب المحطمة، حيث تم نقله إلى أحد المستشفيات لإجراء بعض الفحوصات الطبية من أجل الاطمئنان على صحته.