قبل الامتحانات.. رسالة من أحمد جمال للطلاب: متقولش أنا ضعت

حرص الفنان أحمد جمال، نجم برنامج "أراب آيدول"، على توجيه رسالة للطلاب قبل بدء الأمتحانات.

وكتب جمال عبر صفحته الشخصية بموقع التواصل الاجتماعي "فيسبوك":"عايز أقول اكم أني في أيام الامتحانات مكنتش ببقى مذاكر المواد كلها وببقى عايز أأجل ماده أو اتنين في كل تيرم "بعذر صحي مثلاً".

وأضاف:"بس كان عندي صاحبي دفعتي طول الوقت بيقولي عمرك ما هتذاكر ماده كامله لو أجلت ميت سنه أدخل امتحن في ميعادك وأكيد كلنا في نفس الظروف، وكنت ببقى واخد قرار التأجيل وأغير رأيي في أخر وقت بسبب كلامه و أدخل وامتحن، وفي النهايه نجحت واتخرجت واكتشفت أنه كان على حق".

احمد جمال

وتابع:"أنت كمان متقولش أنا ضعت .. شد على نفسك وذاكر حتى لو باقي ساعه على الامتحان وصدقني هتنجح وتعدي وهتضحك على الأيام دي لما تتخرج. شجعتك مش كده؟ يلا دوس جامد بقى يا بطل".

يذكر أن أحمد جمال طرح أغينة بعنوان "بحبك"، عبر قناته الرسمية بموقع الفيديوهات العالمي "يوتيوب".

الأغنية من كلمات نور الدين محمد، وتوزيع محمد العشي، وانتاج مزيكا.