بعد انتقادات مساعدته لزوجته مي عمر في "لؤلؤ".. محمد سامي: نجاحها يثير غيرة الكارهين

علق المخرج المصري محمد سامي على الانتقادات التي وجهت له مؤخرا هو وزوجته الفنانة مي عمر، بسبب مساعدته لها في مسلسلها "لؤلؤ"، حيث كتب على التتر أنه كان المشرف على السيناريو والإخراج.

محمد سامي نشر صورة قديمة جمعته بمي عمر، على حسابه الخاص على موقع "انستجرام"، وعلق قائلا: "دى صوره ليا أنا ومى من ١١ سنه ، كنا بنفكر فأحلامنا و مستقبلنا و بنتمنى حاجات كتير ربنا ادانا أكتر منها كمان، عشان حاجه مهمه بعد كرمه وعطاءه ، عشان بجد بنحب بعض وبنساعد بعض طول الوقت في تحقيق أحلامنا".

وأضاف: "بيتهيألي اني صعب كنت أنجح فى شغلي من غير دعم ومساندة مى ليا طول الوقت، الدعم ده حاجات كتير قوى محتاجه مليون بوست عشان تتكتب كلها، والنهارده أنا وهي بنحتفل بنجاحها اللي تعبت فيه واشتغلت عشانه كتير ووفقت بصعوبه بين بيتها اللي مخلياه جنه ليا أنا و بناتي و بين أهلها و حياتها و شغلها".

واختتم كلامه، بقوله: "وفي الآخر نجحت نجاح كبير يفرح بيها كل محب ويثير غيرة وحقد الكارهين، مبروك حبيبتي وبنتي ومراتي الغاليه، ودايما ناجحه و متفوقه، و تحيه لكل ست ناجحه وعارفه توصل لنجاحها رغم واجبتها تجاه أسرتها @maiomar_".