ملك أحمد زاهر تهنئ شقيقتها ليلى على مسلسليها: هفضل دايما اتباهى بيكي
وجهت الفنانة المصرية الشابة ملك أحمد زاهر رسالة تهنئة لشقيقتها الفنانة ليلى أحمد زاهر، على أحدث مسلسلين عرضا لها، وهما مسلسل "في بيتنا روبوت"، ومسلسل "وادي الجن".
ملك نشرت صورة جمعتها بليلى، على حسابها الخاص على موقع "انستجرام"، وعلقت قائلة: "الكلمات لا تستطيع أن تصف كم أنا فخورة بما أنجزتيه حتى الآن".
وأضافت: " كنت معاكي لحظة بلحظة وانتي بتشتغلي وتتعبي علي نفسك وبتصوري مسلسلين فنفس الوقت والاتنين ميقلوش عن بعد فالتعب و المجهود، كنت شايفة بعيني قد ايه بتتعبي و مش بتنامي و بتجتهدي و بتعملي كل اللي تقدري عليه عشان تطلعي كل واحد فيهم احسن حاجة".
وتابعت: "وفعلا تعبك مرحش عالفاضي يا لولو عملتي أحلي مسلسل فالدنيا (في بيتنا روبوت) اللي مكانش في الذ ولا احلي منه فالدنيا وشفناكي وانتي (سارة) اللي مشاريعها فاشلة وتافها و ملهاش فحاجة غير السوشيال ميديا تقريبا وخليتينا نصدق كل تفصيلة ونضحك علي كل افيه و حقيقي كان احلي مسلسل فالدنيا عملتيه و طلع حلو اوي كده عشان كمان معاكي هشام و شوشو و عمرو اللي فضلوا دايما فضهرك ".
وأكملت: "وعملتيلنا اكتر مسلسل مشوق فالدنيا (وادي الجن) و شفناكي وانتي (ليال) الذكيه الشاطرة اللي قادرة تحل كل المشاكل بذكاء ودايما مركزة . ولا مره حسيت ان في شبه بين سارة و ليال حقيقي بنتين مختلفين تماما مع انك كنتي بتصوري الاثنين سوا و دي شطارتك انتي و مجهودك و تعبك".
واختتمت كلامها، بقولها: "بجد من كل قلبي فخورة بيكي وبحبك و هفضل دايما اتباهى بيكي واقول اختي ممثلة شاطرة قوي.. فخورة جدا بشقيقتي الصغيرة وطفلتي ونجمتي الصاعدة".