بالفيديو| رنا سماحة تفاجئ زوجها في عيد ميلاده.. والأخير: ربنا عوضني بيكي يا ست البنات
حرصت الفنانة رنا سماحة، نجمة برنامج "ستار أكاديمي"، على أن تفاجئ زوجها الملحن سامر أبو طالب، بمناسبة عيد ميلاده، داخل منزلهما.
وعبر سامر عن سعادته البالغة بعدما وصل المنزل وتفاجئ بوجود العائلة يغنون له تعبيرًا عن فرحتهم بتلك المناسبة، وأمامهم تورتة عيد الميلاد.
ونشر سامر أبو طالب الفيديو عبر حسابه الشخصي على "انستجرام"، وعلق قائلًا:"مش قادر اوصف فرحتى باللى عملتيهولى ولا عارف اشكرك ازاى يا حبيبتى وبنتى و صاحبتى و اختى و مراتى و كل دنيتى شكراً من كل قلبى على كل حاجه عملتيهالى الحمدلله انك فى حياتى و ربنا عوضنى بيكى يا ست البنات و احن زوجه و اجمل ضحكه بتنور دنيتى كلها.. بحبك و دى كلمه قليله اوى على اللى جوه قلبى ليكى يا رنا ربنا يسعدك و يقدرنى انى افرح قلبك زى ما فرحتينى و بتعملى ما فى وسعك عشان ترضينى ربنا يباركلى فيكى و يبعد عنا كل سوء و يحفظنا من كل شر".
وأضاف:"بالنسبه بقى لاهلى وعائلتى ابويا اللى انا غرقان فى خيره ربنا يباركلى فيه و يحفظه و اخواتى ( سما و سامح و رودى و رحاب و ريم و معتز و لى لى و زين ) و عمو احمد حبيبى و حمايا العزيز و نيجى بقى ل ام رنا الفايزه الافياااز الفيازه الافوااااز اللى بتعاملنى انى ابنها بجد مش جوز بنتها بحبك والله يا فوززااات بجد انتوا فرحتى و سندى ربنا يخليكم ليا و يبعد عنا اى شر و يجعلنا دايماً متجمعين على حب بعض فى خير ان شاء الله".
وتابع:"كان نفسى تكونى معايا يا ست الكل يا اغلى ما فى حياتى يا امى الله يرحمك ويغفرلك بحبك.. شكراً ليكم اوى اوى على كل حاجه حلوه عملتوهالى".