بعد إصابتها بالسرطان.. إنجي علي تدعم لينا شاكر: ربنا هيعدي الأزمة وهيشفيكي

حرصت المذيعة إنجي علي، على دعم صديقتها الإعلامية لينا شاكر، بعد إعلان إصابتها بمرض السرطان.

وقالت إنجي عبر حسابها الشخصي بموقع تبادل الصور والفيديوهات الشهير "انستجرام"، قائلة:"حبيبتى لينا شاكر بدانا مع بعض فى قناة النيل للمنوعات رحله طويله وعشرة سنين وصداقه ان شاء الله ربنا هيعدى الازمه دى على خير وهيشفيكى ويعافيكى انتى قويه وغاليه اوى يا لينا واللى جاى احلى ان شاء الله".

وفي أول تعليق لـ لينا كتبت عبر صفحتها الشخصية بموقع التواصل الاجتماعي "فيسبوك":"صباح الفل والجمال والحب والجدعنة وكل كلمه حلوة اتكتبت وكل دعوة وكل رسالة، وكل تليفون اتعملى حقيقى لم أكن اتخيل كل اللى حصل ده".

وتابعت:"أنا كان هدفى أنى أقوى كل إنسان مر بالتجربة دى وأديله طاقة إيجابية انتوا اللى اديتونى مشاعر ما تتوصفش من جمالها، سامحونى إنى مش لاحقه أرد على الكل بس هرد أن شاء الله، بس أنا محتاجة فترة زمنية طويله عشان أعرف أرد".

واختتمت حديثها قائلة:"بشكركم يا أحلى ناس وبجد يا جماعة أن خلصت خلاص وزى الفل الحمد لله".

لينا شاكر