ميار الببلاوي تعبر عن معاناتها: تعبت من وزني اللى عمال يزيد
عبرت الفنانة المصرية ميار الببلاوي عن معاناتها الشديدة مع زيادة وزنها، وذلك على حسابها الخاص على موقع "الفيس بوك".
ميار الببلاوي كتبت: "يبدو أن الأمور قد خرجت عن السيطرة ودا اعتراف منى بجد تعبت من وزنى اللى عمال يزيد وحاولت اعمل دايت وفشلت فشل زريع مش مكسوفه من اعترافى ده".
وأضافت: "ناس كتير بتقولى انى مش تخينه زى مبيتهيالى بس انا كمذيعه الكاميرا بتخن اوى وانا عديت الاربعين فحرقى يكاد يكون متوقف وبقيت بحلم البس بنطلون حينز بالذات علشان طبيعه برنامجى الجديد واضح ان العبايات والدرسات نسيتنى نفسى والكورتيزون كمان منه لله".
وتابعت: "مين عنده حل ينقذنى ويكون سريع علشان حالتى النفسيه بدأت تنهار انا مبحبش الفشل بس لما اموت نفسى دايت واوزن الاقينى ذدت ٢كيلوا يبقى الجاتوه والمحاشى وو حبايبى انا بجد بستغيث نفسى ارجع لوزنى الى كنت عليه من سنتين ٦٠ كيلو انا دلوقتى ٧٥ ودا اكتر وزن وصلتله فى حياتى حتى وانا حامل فى ابنى".
ميار الببلاوي
وأكملت: "أنا منهاره عارفه ان ناس كتير هيلومونى على الى انا كاتباه وبالذات اخواتى وابنى وجوزى بس حسيت انى مخنوقه ولما بفضفض برتاح وكتبت على الفيس لان الى فى كلهم اهلى واعز اصحابى وبقالنا سنين معرفه حتى من غير منتقابل وبيحبونى وبيخافوا عليا اكتر من الانستجرام والاسناب لانهم لسه جداد".
واختتمت كلامها، بقولها: "بحد محتاجه حد يشجعنى ننزل الجيم حد يقفلى بقى حد يلاقيلى حل لانى خايفه من الجراحه علشان حالتى الصحيه وكمان الكورونا صباحكم صحه وجمال".