جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

فيديو| بعد العملية الأولى.. حورية فرغلي تبكي: عايشة ميتة من 4 سنين

الاثنين 01 مارس 2021 | 10:56 صباحاً
ندى عصام
3447
حورية فرغلي

أكدت النجمة المصرية حورية فرغلي، أنها تحملت الآلم بعد خضوعها للعملية الأولى في أحد مستشفيات ولاية شيكاغو، ومن المقرر أن تخضع للثانية اليوم الاثنين.

وكشفت حورية تفاصيل حالتها الصحية من خلال مداخلة هاتفية مع الإعلامية إيمان الحصري، ببرنامج "مساء dmc"، قائلة:"روحت للدكتور وكشف عليا وحط دبوس في مناخير مفيش ولا نقطة دم بتطلع، فقالي لازم نعمل كذا جلسة اكسجين، وبعد كدة قالي هنعمل العملية يوم 4 ، يوم 3 كنت عنده بس الدنيا كانت برد اوي، وأنا مكنتش نمت فأغمى عليا في الشارع خبط راسي فتحتها وروحت المستشفى".

وتابعت:"الدكتور قال يومين كمان ونعمل العملية، الموضوع استغرق 10 ساعات ونصف واستحملت الالم ورجعت البيت".

على جانب آخر عبرت حورية عن استيائها وانزعاجها الشديد من الشائعات التي أطلقت عليها الأيام الماضية حول وفاتها، قائلة:"دخلت على أخبار الناس لقيت ان أنا موت، والناس بتكلم ماما بتقولها البقية في حياتك، فـ كلمت رانيا محمود ياسين قولتلها تنفي الاخبار".

ودخلت فرغلي في نوبة بكاء بسبب استقبالها رسائل دعم وحب، قائلة:"ربنا يخليكوا ليا وبجد مش عارفة اقول ايه على حب الناس".

وتابعت حورية أنها فقدت الثقة بنفسها، قائلة:"أنا فضلت 4 سنين متدمرة.. الـ 4 سنين اللي فاتوا واقعين من حياتي أنا مش فاكراهم نهائيا، وبفتكر الفترة اللي كنت ناجحة فيها وأنا بصور مسلسل حكايات بنات وفيلم القشاش وعبده موتة".

وأوضحت:"كنت عايشة ميتة محدش بيسأل عليا، وحسيت إني غير مرغوب بوجودي في الحياة، وفقدت الثقة في نفسي كبنت، مكنتش ببص في المراية".