جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

"صورتها في الطفولة تتحرك وتبتسم".. بسمة وهبة: التكنولوچيا بقت مرعبة

السبت 06 مارس 2021 | 01:13 مساءً
سارة إبراهيم
607
بسمة وهبة

نشرت الإعلامية المصرية بسمة وهبة، صورة لها من طفولتها، على حسابها الخاص على موقع "إنستجرام"، إلا أنها باستخدام إحدى التقنيات التكنولوجية، ظهرت الصورة وهي تتحرك وتبتسم.

بسمة وهبة عبرت عن ذعرها من التطور التكنولوجي، بقولها: "التكنولوچيا بقت مرعبة أنا حاسة التكنولوچيا اللي بعد كده، إني حقابلني وأنا صغيرة ونتكلم وأزعقلي وأقولي إنتي كبرتي ليه يا بسمة ومفضلتيش صغيرة".

وكانت الإعلامية بسمة وهبة، قد كشفت مؤخرا عن إصابتها بشلل عضلي في الوجه نتيجة تعرضها لخطأ طبي بأحد مراكز التجميل. ورفضت بسمة الافصاح عن اسم مركز التجميل، وقالت في مقطع فيديو نشرته عبر حسابها الشخصي بموقع تبادل الصور والفيديوهات الشهير "انستجرام":"أنا من شهر كنت تعبانة جدا وماكونتش بعرف افتح بوقي وكنت بالصدفة موجودة في دبي روحت لدكتورة شاطرة قالتي ده ضغط وعندك شلل عضلي وعايزة علاج طبيعي وأدوية، وأخدت الأدوية وعملت علاج طبيعي ولقيت مافيش تحسن".

وأضافت:"روحتلها النهاردة وقولتلها مافيش تحسن فعملتلي منظار تاني، وقولتلها أنا معنديش ضغط عصبي لأني ببعد عن كل حاجة تضايقني، فقعدت تراجع معايا ايه اللي حصل لحد ما افتكرت اني عملت بوتوكس وفيلر من شهر، أخدت حقنة في فكي دخلت على الأحبال الصوتية بوظتلي الدنيا".

وتابعت:"ومش عايزة اتكلم مين اللي عملي كده بس هو مكان محترم لأني ممكن أكون حالة واحدة حصلتلي كده، والدكتورة قالتلي ماتعليش صوتك وما تعمليش مجهود بصوتك".