جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

صور| دينا في "شنطة سفر" بعد تعافيها من كورونا.. وتشكر الشركة المنتجة بسبب تعطيل التصوير

الاحد 07 مارس 2021 | 02:29 مساءً
ندى عصام
610
دينا

بدأت الفنانة المصرية دينا، تصوير مشاهدها في حكاية "شنطة سفر"، من مسلسل "ورا كل باب"، وذلك بعد تعافيها من فيروس كورونا.

ونشرت دينا صورة من كواليس العمل، عبر حسابها الشخصي على "انستجرام"، وعلقت عليها قائلة:"ابتدينا من يومين تصوير مسلسل (ورا كل باب)، قصة (شنطة سفر)، إخراج الأستاذ محمد بكير".

دينا

على جانب آخر وجهت دينا الشكر للشركة المنتجة بسبب تعطيل التصوير حتى تتعافى من الفيروس، قائلة:"أنا عايزة بالمناسبة دي.. أشكر شركة سينرجي اللي بسبب مرضي عطلوا التصوير واستنوني لما تعافيت عشان نبدأ التصوير.. كل الشكر والتقدير".

دينا

قصة "شنطة سفر" من بطولة دينا وأحمد صيام ومنة عرفة، وعدد آخر من النجوم، وهي من إخراج محمد بكير.

وكانت الفنانة دينا، قد تحدثت عن فترة إصابتها بفيروس كورونا "كوفيد19"، والتي أعلنت تعافيها منه بعدما خضعت لمسحة وكانت النتيجة سلبية.

وقالت دينا في مقطع فيديو نشرته عبر حسابها الشخصي على "انستجرام":"في الحقيقة أنا وحشني كل حاجة، وحشني أمشي في الشارع، وحشني السوبر ماركت، وكل حاجة وحشتني جدًا، أنا مش من عادتي أطلع فيديو كتير، ولكن لقيت الناس عمالة تتكلم إني روحت مستشفى ولا عملت إيه، فقلت أفهمهم.. وقلت لازم أطلع للناس اللي مهتمة تعرف أخباري، أطمنهم إني بتعافى بعد ما اكتشفت أن النتيجة كانت سلبية، وطبعًا ده فضل ربنا عليا إني قمت بالسلامة، ادعولى أقوم بصحة أحسن، لأن الخناقة مع الفيروس ده مش تمام، وفيروس صعب وسخيف جدًا، وبتمنالكو كل الخير ومحدش يجيله كورونا، وخلوا بالكو من نفسكو جداً". وتابعت:"شكرًا لكل الدعم اللى خدته، ولولا أصحابى وأهلى، مكنىش خدت الدفعة الجامدة جدًا، اللى وصلتلها، لأن الكلام ده قومنى من اللى أنا فيه، وأول حد بشكره أمى، اللى ما رضيتش تسيبنى ولا تسيب البيت، وفضلت قاعدة معايا طول الوقت، أنا اللى كنت خايفة عليها وهى ما كنتش خايفة".