مطربة مصرية تفتح النار على الوسط الفني: كل ما أروح لمنتج بيبص لجسمي أو يتجوزني عرفي.. لازم أقدم تنازلات

أثارت المطربة المصرية دينا حسين، حلالة من الجدل خلال الساعات الماضية بعدما عبرت عن غضبها الشديد من الوسط الفني، الذي معظمه يطلب منها تقديم تنازلات مقابل أن تقدم أعمالًا.

وقالت دينا في مقطع فيديو عبر صفحتها الشخصية على "فيسبوك":"يعني أنا مش عارفة هل أنا صوتي وحش، شكلي وحش، فيا عيب، فيا حاجة؟ معتقدش، كل ما أروح شركة إنتاج يقولي الله يا فنانة صوتك جميل، خلاص هنبتدي شغل يبص في حتة تانية خالص، يبص لشكلي أو لجسمي، أو يتجوزني عرفي، هو أنا لازم أعمل حاجة غلط، ولازم أقدم تنازلات، أنا طلع عيني لحد ما وصلت للي أنا فيه".

دينا حسين

وتابعت:"أنا مقولتش إني مش بقوم من على السجادة، أنا بسهر وليا صحابي أولاد أكتر من البنات، بلبس قصير ومفتوح وكل حاجة، بس أنا مش عايزة أعمل حاجة غلط، شغل في الشارع واشتغلت، دراسة ودرست، في الأوبرا واشتغلت، عملت كل حاجة تأهل الفنان للنجاح، تعبت على نفسي، خدتها من تحت، ما عنديش مشكلة أتعب، بس عايزة أوصل وانجح، أوصل باحترامي وكياني وبصوتي ومش لازم أعمل حاجة غلط".

دينا حسين

وأضافت:"هو احنا سمعتنا وحشة من فراغ، مش شرط الغنا بس، أي نوع من أنواع الفن عليه سبوت، لو الفن دا يا جماعة بالمنظر ده، إني لازم أصاحب المنتج، أحسن لي إني أقعد بكرامتي، لو صوتي وحش قولولي اقعدي في بيتك وما تشتغليش، أنا تعبت ومش عارفة أعمل ايه".

دينا حسين، من مواليد محافظة الإسكندرية عام 1992، وطرحت من 3 سنوات فيديو كليب بعنوان "جرح زي ألف".