بعد تعرض ابنتها للحرق وإصابتها وابنها بـ "كورونا".. زوجة ماجد المصري: إيه اللي جاي تاني؟

نشرت رانيا أبو النصر، زوجة الفنان المصري ماجد المصري، صورة لذراع ابنتها، بعدما تعرضت للحرق، وذلك على خاصية "ستوري" بموقع "انستجرام".

زوجة ماجد المصري علقت على الصورة، بقولها: "اللهم لا اعتراض بنتي مايه مغلية وقعت على إيديها، اللهم لا اعتراض بس بجد أنا مابقتش فاهمة إيه اللي جاي تاني يارب أسترها".

زوجة ماجد المصري

وأضافت: " بنتي إيديها اتحرقت والكورونا نزلت على الرئة عندي وابني كورونا.. ربنا يسترها يارب اللهم اشفي كل مريض يارب".

وتابعت: "الناس فاكره إن الواحد عايش بالطول وبالعرض إحنا بننزل بس الحاجات الإيجابية اللي في حياتنا عشان ندي الطاقة الإيجابية إنما الواحد عنده بلاوي في حياته".

واختتمت كلامها، بقولها: "بجد ماحدش يستكتر على غيره الحاجات اللي معاه والحياة اللي عايشها لأن الواحد بجد مايعرفش حياة غيره كل بيت فيه كوارث.. اللهم احفظني أنا وأولادي.. ادعولي بالشفا".

زوجة ماجد المصري