دعاء فاروق ترد على منتقدي ضحية التحرش: أنتو مجانين يا جماعة؟
عبرت الإعلامية المصرية دعاء فارق، عن استيائها الشديد من منتقدي البنت الصغيرة التي تحرش بها رجل في مدخل عقار بمنطقة المعادي.
وكتبت دعاء عبر صفحتها الشخصية بموقع التواصل الاجتماعي "فيسبوك":"إيه كم الناس اللي معلقين على البنت أنها مشيت ورا الراجل بمزاجها وهو ما أجبرهاش معلش أنا مش هتعصب والله وهكلمكم بمنتهى الحكمة والأدب... أنتو مجانين يا جماعة؟؟؟ أنتو عُبط صح!! ده إحنا قضينا طفولتنا كلها مسمعناش غير جملة واحدة بتتكرر يوميا".
دعاء فاروق
وأضافت:"إوعي حد يضحك عليكي ويقول لك تعالي هجيبلك شكولاتة.. إوعي حد يقولك تعالي هوديكي لماما وتروحي معاه... إوعي حد غريب يضحك عليكي وتصدقيه، أنتو اتربيتوا زينا ولا مسمعتوش الكلام ده؟؟".
وتتابعت:"عيلة صغيرة أي حد يضحك عليها بأي حاجة ولما تكون بياعة مناديل ولا بتشتحت في الشارع سهل قوي يقول لها تعالي ورايا وأنا هديكي فلوس هتروح وراه... أما بلاوي".