فيديو| بعد إعلان إصابتها بالسرطان.. لينا شاكر: قولت للمصور ممكن تصورني وأنا "قرعة"؟

تحدثت الإعلامية المصرية لينا شاكر، في أول ظهور لها بعد إعلان إصابتها بالسرطان، عن قصة جلسة التصوير التي خضعت لها بدون شعر.

وقالت لينا خلال لقائها مع الإعلامية منى الشاذلي في برنامجها "معكم"، المذاع عبر قناة سي بي سي:"كنا متفقين من قبلها نعمل فوتوسيشن لبعض، والموضوع اتأجل. كلمته وقال أنا جاهز، فـ سألته عندك مانع أعملها وأنا قرعة؟ عايزة أكون حافز للناس لما تشوف الشكل ده اللي بيزعلهم أديهم قوة، وعايزة الصور يطلع شكلها كويس."

وكان أول تعليق لـ لينا شاكر بعد إعلان الإصابة بالمرض، كتبت عبر صفحتها الشخصية بموقع التواصل الاجتماعي "فيسبوك":"صباح الفل والجمال والحب والجدعنة وكل كلمه حلوة اتكتبت وكل دعوة وكل رسالة، وكل تليفون اتعملى حقيقى لم أكن اتخيل كل اللى حصل ده".

وتابعت:"أنا كان هدفى أنى أقوى كل إنسان مر بالتجربة دى وأديله طاقة إيجابية انتوا اللى اديتونى مشاعر ما تتوصفش من جمالها، سامحونى إنى مش لاحقه أرد على الكل بس هرد أن شاء الله، بس أنا محتاجة فترة زمنية طويله عشان أعرف أرد".

واختتمت حديثها قائلة:"بشكركم يا أحلى ناس وبجد يا جماعة أن خلصت خلاص وزى الفل الحمد لله".