جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

إصابة ممثل في إعلان محمد رمضان بسبب قنبلة.. ووالدته الفنانة: مش هسيب حق ابني

السبت 13 مارس 2021 | 12:02 مساءً
ندى عصام
1902
لبنى ونس

تعرض موديل وممثل شاب يدعى "يوسف عمر"، لإصابة كبيرة في ساقيه أثناء تصوير إعلان للنجم المصري محمد رمضان، بسبب خطأ من مصمم المعارك عصام الوريث.

وكتبت والدة يوسف الفنانة لبنى ونس عبر حسابها الشخصي على "فيسبوك"حسبنا الله ونعم الوكيل ابني انكتبله عمر جديد امبارح، اشكرك يارب وأحمد فضلك بسبب خسة وفساد ضمائر البشر".

لبنى ونس

ثم كتبت منشور آخر كالتالي:"عصام الوريث كان هايتسبب فى قتل أبنى يوسف أمبارح حسبنا الله ونعم الوكيل فرحان بنفسك إنك تحط قنبله تحته من غير ما تقوله ومن غير ماتلبسه واقى ربنا ينتقم منك الحمد لله ربنا لطف بأبنى وبية وإذا ماتمش محاسبته هايتسبب فى قتل مين تانى عار على الإنسانية مش هاسيبك".

لبنى ونس

وأضافت:" تصحيح هو ماكانش قايله أصلاً إن تحته قنبلة وهى مش مطابقه لمواصفات القنابل المستخدمة فى التصوير أنا ربنا نجى أبنى بس كام شاب ممكن يفقد حياته بسبب عدم الضمير".

لبنى ونس

وتابعت:" إذا يوسف كان إبنك كنت هاتحط تحتيه قنبلة ومن غير ماتقوله أو تلبسه واقى ربنا ينتقم منكم عشان تضيع حياه شاب ذنبه الوحيد إنه وثق فى حد زيك ومين تانى بقى كان عارف إن فى قنبلة تحت أبنى ربنا ينتقم منكم".

لبنى ونس

ووجهت والدة الممثل الشاب رالة إلى محمد رمضان، قائلة:" إذا عملنا كل حاجة طبيعيه وحقيقية كنا هَلَكنا ،ولاتُلقوابأيديكم إلى التهلُكه. يعنى إذا فى مشهد ياأستاذ محمد التمساح بياكلك نترحم عليك ويبقى آخر مشهد فى حياتك تعلمنا مهنة التمثيل على يد عظماء التمثيل ولم يُطلق عليهم هذه الكلمة المزعومة،،النجم،،والنجمة،، فى مهنتنا يا أستاذ محمد رمضان وانت وانا وكلنا عارفين إن مايسمى بالنجم إستغفر الله العظيم بيتعاملوا معاه فى اللوكيشن كأنه إله هو المِحور والكل يدور حوله،هل ممكن تتعرض لما حدث لأبنى فى التصوير معاك،مستحيل طبعا بتعمل أكشن وبتبقى عارف قبلها كل تفاصيله مرة واتنين وعشرة واللى عاجبك بتوافق عليه واللى مش عاجبك بتغيره على هواك ماحدش بيفرض عليك حاجة ،،يعنى القنبلة اللى زرعها عصام الوريث لأبنى تحت منه ومن غير ما يقوله ولا حتى يلبسوا واقى يقدر يعمل معاك كدة ليه؟!!!!أنت بنى آدم وآبنى مش بنى آدم أنت أغلى الناس عند والدتك ويوسف نن عينى ومافيش أغلى من الضنا حط إبنك مكان يوسف هاتقول برضه كله فى حبكم يهون بس أرجع واقولك أبنى ربنا هايجبله حقه من اللى أسمه عصام الوريث دة اللى ميعرفش أبجديات عمله اللى بيستبيح حياه الشباب عشان يحقق الطبيعيه المزعومة الغلط اللى حضرتك بتتكلم عنها".

لبنى ونس

واختتمت:"حق أبنى إن شاءالله هايرجعله مش هاسيبه عشان يبطل سى الوريث دة أنه يستهين بحياه الناس،،سؤال بقى لما نموت سيادةالنجم هايندفن فين ؟؟؟؟؟الديان والعدل والحق موجود وأعتمدنا عليك يارب".