بعد إصابته الخطيرة في إعلان محمد رمضان.. يوسف عمر: كان بيني وبين الموت ثانية

كشف الممثل الشاب يوسف عمر، نجل الفنانة لبنى ونس، تفاصيل إصابته الخطيرة في إعلان النجم محمد رمضان، والتي أثار بسببها حالة من الجدل خلال الساعات الماضية.

وقالت يوسف في تصريحات لبرنامج "Et بالعربي":"حد كلمني عن تصوير مع محمد رمضان ورحت عليه كان المفروض إعلان لعبة اسمها "Free Fire" هي لعبة زي "Pubgi" والمفروض أن التصوير كله أكشن وفرقعة ومتفجرات وحاجات كده، وعمري ما كان يجي ببالي أن يصل الموضوع للدرجاتي".

وأضاف:"المسؤول عن ده هو الأستاذ عصام الوريث يلي حط القنبلة التحتية وحتى ماقليش إنو ده ممكن يعرضني للخطر أو أي حاجة وحتى ما لبسنيش حاجة تحميني وأنا ما كنتش خايف لأن عارف ان احنا بنصور فأكيد عارف إنو مستحيل يحصلي حاجة زي دي".

وتابع:"أول ما قلي أكشن قلي انت المفروض تنط الى الوراء مع أكشن، هو قال أكشن وأنا يادوبك اتأخرت ثانية وتقريبا تأخير الثانية هذه هو الذي أنقذ حياتي وماموتش، ولو كنت نطيت في نفس الوقت لكن القنبلة انفجرت وكنت هموت، أنا ستر ربنا أني اتأخرت فقوة رفع القنبلة جات في رجلي من ورا، فالحمدالله ربنا سترها وكان بيني وما بين الموت ثانية بالظبط".

واستكمل حديثه قائلًا:"بعد انفجار القنبلة قعدت حوالي ربع ساعة مش سامع ولا شايف حاجة، ولغاية دلوقتي عندي مشكلة في السمع وصداع نصفي ما بيروحش".

واختتم:"الانتاج وقف معاي وجبولي دكتور ونقلوني الى المسشتفى ورحت للدكتور وقلي عندي حروق من الدرجة الأولى والجروح بسبب اندفاع الهواء من القنبلة نفسها لانها كانت قريبة واندفاع الهواء هو عمل الجروح دي وعمل ورم كبير قوي، وكان لدي التهاب في جدار الخصية، وقلي الدكتور الحمدالله أن القنبلة جات في رجلي، وقلي المفروض أسبوع أو 10 أيام محتاج للراحة عشان بعد كده تعود الأمور بشكل طبيعي".