فيديو| عمرو أديب عن سقوط عمرو دياب على المسرح: ركبته حديدية لو أنا كان جالي شرخ في الجمجمة

علق الإعلامي عمرو أديب، على لحظة سقوط النجم المصري عمرو دياب، على المسرح خلال حفل غنائي أحياه لصالح إحدى الشركات العقارية، بأحد فنادق القاهرة.

وقال أديب في برنامجه "الحكاية":"عمرو دياب إمبارح كان تريند، وما زال تريند، لأن الهضبة اتزحلق زحليقة بسيطة، وبالنسبة لواحد في صحة عمرو دياب وقوته والجيم، زحلقة زي دي ما تفرقش معاه".

وتابع:"طبعا لو عمرو أديب اللي وقع كان يبقى فيها شرخ في الجمجمة إنما علشان ده عمرو دياب، قام وقف قال لهم عادي عادي مفيش حاجة."

وأضاف:"طبعا من كتر الرياضة اللي بيلعبها، والصحة عنده، حاجات زي ماتفرقش معاه دي ركبة الهضبة ركبة حديدية غير عادية."

وتداول رواد مواقع التواصل الاجتماعي فيديو ظهر من خلاله الهضبة وهو يغني أغنيته الجديدة "يا أنا يا لأ"، ليسقط خلا تفاعله مع الجمهور، لكن سرعان ما طمآنهم معلقًا:"عادي عادي".