أشرف زكي يتسب في أزمة لـ عمر كمال في "بين السما والأرض".. والأخير: معنديش أي مشاكل

يبدو أن مطرب الهرجانات عمر كمال، يواجه أزمة بعد إعلان مشاركته في مسلسل "بين السما والأرض"، المقرر عرضه في شهر رمضان والذي يخوض به الفنان أولى تجاربه التمثيلية.

وكتب المخرج ماندول العدل عبر صفحته الشخصية بموقع التواصل الاجتماعي "فيسبوك":"تواصل معايا د. اشرف زكي و بيقولي ان عمر كمال عنده مشكلة انه مش نقابي و انا كنت فاهم انه مقيد في نقابة الموسيقيين .. هشوف ممكن اعمل ايه

لكن الغريب هو كم الزعل من الخبر ان عمر كمال يمثل ".

ماندو العدل

وأضاف:"علي فكرة احمد عدوية و حسن الاسمر و حكيم مثلوا وشعبان عبد الرحيم الله يرحمه مثل مع استاذ داوود عبد السيد و مكانش فيه مشكلة يعني .. اما الناس اللي بتقوللي ان انا منفذتش وعدي وقابلت الناس في ال casting .. احنا جالنا اكتر من ٧ الاف شخص عايز يمثل .. سامع الرقم .. ٧ الاف وانا مش مسؤول ان فيه ناس اتصلت و مكتب ال casting مردش عليهم ".

وتابع:"ده غير ان معايا اكتر من خمس ممثلين خريجين معهد فنون مسرحية و ووجوه جديدة مش خريجين المعهد و بيمثلوا لاول مرة ..انا طول عمري قد كلمتي و اللي يعرفني يعرف كدة كويس ومش مطلوب مني اقدم كشف باللي اختارتهم من ال casting عشان سيادتك متتهمنيش اني بعمل show .".

ومن جانب عمر كمال رد على ماندو العدل، قائلًا:"انا مقيد يا استاذ محمد ف نقابة الموسيقين من ٦ سنين ومعايا تجديد كارنيه لحد سنة ٢٠٢١ .. ومعنديش اى مشاكل مع النقابة ولسه عامل اعلان اتصالات بموافقة النقابة وغيرها ".

ماندو العدل