عارفة عبد الرسول عن "الفيلر" و"البوتكس": شفت فنانات شكلهم اتغير وأنا مش محتاجة وحابة شكلي

أكدت الفنانة عارفة عبد الرسول، رفضها التام لعمليات "الفيلر" و"البوتكس"، التي يلجأ لها العديد من الفنانات.

وقالت عارفة خلال لقائها في برنامج "الستات ميعرفوش يكدبوا"، تقديم مفيدة شيحة، وسهير جودة:"أنا مش محتاجة، الناس بتحبني وأنا كدة هي تجاعيدي وسني، وبعدين هنضحك على بعض، لما حد يقولي انتي شباب يا أستاذة وحاجات كدة، أقول له اه شباب القلب أنا موافقة، بس العدة بعافية."

وتابعت عارفة قائلة:"أنا حابة شكلي كده، وشفت الفنانات زميلاتي الأصغر أو في سني شكلهم إتغير خالص، وملامحهم مابقتش معبرة عن الحالة اللي بيعيشوها".

وأضافت:"تحس الوش بقى فيه جمود خاصة لو عاملين بوتكس أو تاتو حواجب، إزاي أبقى ست في حارة شعبية وسناني ما شاء الله وتاتو حواجب؟ هما حرين طبعا مش بعيب."

على جانب آخر تشارك الفنانة عارفة عبد الرسول في مسلسل "موسى"، بطولة النجم محمد رمضان، والمقرر عرضه في شهر رمضان المقبل.