إلهام شاهين عن والدها: فرجني على مشاهد من أفلامي بالمايوه وقميص النوم وقالي مكسوفلك

كشفت الفنانة المصرية إلهام شاهين، عن علاقتها بوالدها، الذي رفض دخولها مجال التمثيل، وهو ما سبب مشاكل بينهما.

وقالت إلهام عندما حلت ضيفة على الإعلامية وفاء الكيلني في برنامج "السيرة":"حطلي شريط فيديو مش معقول، شوت برقص شوت لابسة قميص نوم مفتوح، شوت بدلع على حد، شوت حد حاضني، كان عايز يحرجني جدا ويقولي أنا كنت صح وان اللي انتي بتعمليه غلط".

وتابعت:"قولتله لما تاخد شوت كدا من برا السياق ده شيء مزعج، ولما تجمعهم ورا بعض غير لما يبقى ضمن الأحداث أنا متحرجتش لأني فنانة وفاهمة إيه اللي بعمله".

وأضافت:"اتضايقت منه جدا وقولتله أنا مش عارفة أنت محضر ده ليه، خصوصا إنه مكنش يعرف إني جاية قالي أنا مسكوفلك، فمشيت وقفلت بسبب الموقف ده".