صور| حمدي الميرغني يتغزل في زوجته.. والجمهور ينتقده: ده عيد أم مش عيد حب

وجه الفنان حمدي الميرغني، رسالة إلى زوجته الفنانة إسراء عبد الفتاح، بمناسبة عيد الأم معبرًا عن حبه الشديد لها ولابنتهما "تمارا".

ونشر حمدي سلسلة صور ظهر من خلالها رفقة زوجته وابنتخ، وعلق عليها عبر حسابه الشخصي بموقع تبادل الصور والفيديوهات الشهير "انستجرام"، قائلًا:"الحمدلله والشكر لله ربنا رزقني باأم صالحة ربنا يخليها ليا تربيتها و دعواتها هي سر النعم والرضا اللي ربنا رزقني به الحمد لله، وأجمل النعم دي هي ماما التانية مراتي وحبيبتي اللي بقيت أجمل ماما في الدنيا".

وأضاف:"وحابب اقولك تمارا ف المناسبة دي لوكانت بتتكلم كانت هتقول..أنا محظوظ أن أنتي مامتي ربنا يخليكي ليا وشكرًا علي كل حاجه عملتيها وبتعمليها ليا بحبك أووووووي ياماما".

وانتقد عددًا من المتابعين حمدي الميرغني، حيث جاءت تعليقاتهم كالتالي:"ده عيد أم مش عيد حب، مفيش حاجه اسمها مامتي التانيه الام واحده بس، طب ومامتك مش تستاهل الكلام ده والله حاجه تقهر، تخيل تربي وتتعب ويتذكرك ب سطر واحد".

على جانب آخر ينتظر حمدي الميرغني فيلم "ديدو"، المقرر طرحه بدور العرض السينمائية في موسم عيد الفطر.

وفيلم "ديدو" من بطولة كريم فهمي، وهدى المفتي، وأحمد فتحي، وحمدي المرغني، ومحمد ثروت، ورفع الفيلم شعار "أرجوك لا تفعصني سهوا".