عباس أبو الحسن للأمهات في عيد الأم: عيشي لنفسك أولا ثم أطفالك محدش هينفعك

وجه الفنان والسيناريست عباس أبو الحسن نصيحة للأمهات، تزامنا مع الاحتفال بعيد الأم.

عباس أبو الحسن قال في نصيحته للأمهات: "كل سنة وكل الأمهات المضحيات والأمهات المثاليات بخير وطيبين . كلمة محشورة جوايا لكل امهات المستقبل ؛ الأمومة رغبة مش تضحية..محدش بيخلف عشان عندة رغبة ملحة في التضحية ..حتي تضحية الأم مهما بلغت هي في حقيقتها فطرة كامنة و رغبة مقنعة ذات دوافع ذاتية في المقام الاول".

وأضاف: "فوالنبي متضحي غير بما لايمس سعادتك وعيشي لنفسك اولا ثم لأطفالك محدش هينفعك ولا هيقدرك. انك تتنازلي عن حياتك وتبادليها بحياة أخري حتي لو حياة ولادك دة درب من الجنون وربما رغبة مازوخية في تعذيب النفس . اهم حاجة لما تقرري تضحي وتسحقي ذاتك متدفعيش عيالك تمن التضحية دي لما يكبروا".

وتابع: "ده إختيارك ومحدش فيهم طلب منك تعملي كدة ..وعكس ما انتي فاكرة همه تضحيتك دي مقدرنها في وشك ، لكن بينهم وبين نفسهم انتي صعبانة عليهم انك عملتي اختيار بهذة الرداءة ..ومستغربين انك قررتي لنفسك انك تموتي بالحيا عشان تربيهم هم ..وانك دلوقتي عايزة منهم يحاسبوا علي مشاريب مطلبوهاش".