عمر كمال يرد على تصريحات سعد الصغير: تاريخك كله ميجيش مشاهدات أغنية "عود البطل"

خرج المطرب عمر كمال، للرد على تصريحات الفنان سعد الصغير، بعدما هاجم مطربي المهرجانات، وقال خلال لقائه مع الإعلامي العراقي نزار الفارس:"تاريخهم أغنية واحدة بـ2 جنيه".

وكتب كمال عبر صفحته الشخصية بموقع التواصل الاجتماعي "فيسبوك":"فيه مطرب شعبى بيقول علينا اننا تاريخنا اغنية واحدةَ".

وأضاف: بيقول علينا لو مشينا جمبه ف الشارع محدش يعرفنا ! وبيقول بنت الجيران ب ٢ جنيه وملهاش لزمة واحنا معملناش اى تاريخ يذكر !! وانا بقولك دول شوية نجاحات

• بنت الجيران ٦٠٠ مليون مشاهدة

• عود البطل ٤٣٤ مليون مشاهدة

• شمس المجرة ١١٤ مليون مشاهدة

• لغبطيطا ١٦٠ مليون مشاهدة

• انتى معلمة ٣٢ مليون مشاهدة

• مساء النقص ٢٣ مليون مشاهدة

• شيكولاتة سايحة ٥٢ مليون مشاهدة

• بنبونى ساقط ف نوتيلا ٥٣ مليون مشاهدة

• بنتخان ٢٨ مليون مشاهدة

• فايقة ورايقة ١٧ مليون مشاهدة

وتابع:"وانا بحترمك عشان كلت ف بيتك عيش وملح ومش هقولك ان تاريخك كله ميجيش مشاهدات اغنية زى عود البطل مثلا او ال x6 .. بس هقولك احترمنا عشان احنا اخواتك الصغيرين و بنحترمك وبنحترم اى حد اكبر واقدم مننا ف الشغل وديه ارزاق وده وقتنا واكيد غيرنا هيطلع بعدنا زى ما كنت انت ف يوم بنتفرج على نجاحك وبنحبك ".