جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

أيمن بهجت قمر عن كواليس أغنية شيرين في عيد الأم: بكتب الأغنية وأمي بتتخانق معايا

الاثنين 22 مارس 2021 | 01:03 مساءً
ندى عصام
827
ايمن بهجت قمر

كشف الشاعر الغنائي أيمن بهجت قمر، كواليس أغنية "هي الدنيا"، التي قدمتها النجمة المصرية شيرين عبد الوهاب، بمناسبة عيد الأم.

وكتب بهجت قمر عبر صفحته الشخصية بموقع التواصل الاجتماعي "فيسبوك":"المشهد ده وإحنا قاعدين في الأستوديو بنعمل أغنية هي الدنيا لشيرين عبد الوهاب بمناسبة عيد الأم، قاعد أنا وشيرين وحسام حبيب وعمرو مصطفى وشيرين عايزاني أغير كلام الكوبليه وبتقوللي أقعد خلصه هنا دلوقتي عشان ننجز بابص في الموبايل لقيت رساله من هشام أخويا أمك زعلانه منك كلمها قلت له حاضر بس أنا ف الأستوديو هخلص واكلمها قفلت معاه بس ابتديت اتوتر".

أضاف: "لسه هبدأ في الكتابه لقيت رسالة من صادق أخويا الصغير كلم ماما عماله تعيط اتوترت جدا وطلعت بره الأستوديو في عز التلج وموطي صوتي هقول للناس اللي جوه أيه بكتب أغنية للأم وأمي بتتخانق معايا إزاي؟ يا ماما معلش ماقصدش.. يا ماما أنا ف الأستوديو وسط ناس ! وهي مافيش سخنانه جدا ..ابتديت أنا اتحرج طيب يا ماما أنا وحش يا ماما أنا عاق يا ماما، معرفتش أصالحها وقفلنا المكالمه على كده ".

تابع أيمن بهجت قمر: " طبعا ماجاليش نفس أكتب الكوبليه يومها لأني فعلا ماعملتلهاش حاجة، بعدها أمي ربنا يخليهالي حست انها زعلتني ( الفرق بينا ١٨ سنه قشطه يعني ) بعتت صالحتني بس كنت كتبت الكوبليه بقى، ونزلت أهي الأغنية. كل سنة وأمي طيبة وتفضل تناكف فيا بس بلاش وأنا في الاستوديو وبكتب أغنيه للام مش ناقصين عطله يا ماما".

"أغنية هي الدنيا" من كلمات أيمن بهجت قمر، وألحان عمرو مصطفى.