جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

بعد صورتها المثيرة للجدل.. حورية فرغلي ترد: مش ده شكلي دلوقتي.. وحسبي الله ونعم الوكيل

الاثنين 22 مارس 2021 | 03:27 مساءً
ندى عصام
1386
حورية فرغلي

عبرت النجمة حورية فرغلي، عن استيائها الشديد من الشائعات التي تطلق عليها بسبب العمليات التي تخضع لها الفترة الحالية لتجميل أنفها.

وطمآنت حورية الجمهور على صحتها، من خلال تسجيل صوتي لبرنامج "لايت شو" المذاع عبر فضائية "الحياة":"أنا عملت عمليتين والتالتة هعملها يوم الأربعاء بإذن الله، بس أنا زعلانة جدا لأن الصورة المتداولة دي بعد أول عملية عملتها من 5 أو 6 سنين تقريبا، وكانت في لندن وهي سبب فشل العمليات اللي بعدها".

وتابعت:"دي مش صورتي الحقيقية دلوقتي، ومش ده شكلي دلوقتي، أنا الحمد لله أحسن بكتير، وشكلي مختلف تماما، في الصورة دي كانوا شالوا العضمة والمسمار اللي كانوا عندي، وكان لسه معملتش في مناخيري أي حاجة.. الصورة دي كانت عندي على فيسبوك، والحساب بتاعي اتهكر واتسرق ومعنديش فيسبوك ومعرفش اتاخدت ازاي".

وأضافت:"حسبي الله ونعم الوكيل في أي حد بيقول كلام عني غير صحيح، وأنا ممكن أبعت للصحافة صورتي الحقيقية لكن الدكتور رفض إني أعمل كده غير لما أعمل العملية الرابعة".

واختتمت حديثها قائلة: "الصورة المتداولة لي غير حقيقية، وأنا مش هتكسف أقول لو حقيقية".وقالت الفنانة رانيا محمود ياسين، صديقة حورية فرغلي، عبر حسابها على "انستجرام":على فكرة الصورة المتداولة على بعض الصفحات لحورية فرغلي على أنها بعد العملية دي صورة قديمة وحاليا حورية هتجري عملية يوم الأربعاء دي العملية الثالثة وبعدها عملية كمان وإن شاء الله ترجع بألف سلامة".

وتابعت:"ودي رسالة أمنتني إبلاغها لان الاكاونتس بتاعتها على السوشيال ميديا اتعمل هكر من فترة تحياتي للجميع ودعاء لها بالشفاء العاجل".