"بيتطرد من المسلسلات عشان بيجي سكران".. شريف دسوقي يرد على دخوله اللوكيشن مخمورا

عبر الفنان شريف دسوقي، عن استيائه الشديد من الأقاويل التي ترددت حول دخوله لوكيشن التصوير وهو مخمورًا.

وقال شريف في مداخلة هاتفية مع الإعلامي ع مرو أديب في برنامج "الحكاية":"أصبت في مسلسل ما، فجأة في 11 يوم جالي الضغط والسكر وقدم سكري، وأنا في تصوير أحد المسلسلات والتي قيل انهم مشوني منها، أصيبت بجرح صغير وقولتلهم ودوني المستشفى وملقتش معايا حد غير المنتج أحمد الجنايني، وخبيت عليه لمدة شهرين أني تعبان وعندي السكر".

وأضاف:"اتفاجأت بعد كده وأنا داخل المسلسلات أنهم بيقولوا شريف دسوقي بيدخل اللوكيشن وهو سكران، وأنا مستحيل أعمل كده لأني متربي في مدرسة إسماعيل ياسين واللي هي بتعتبر المسرح جامع أو كنيسة وليه قدسيته".

وتابع شريف:"أنا مكنش عندي صداع أنا كنت مهدد بالبتر، رجلي كانت هتتبتر وأنا مش عايز أكتر من حقي، مكنتش عايز غير أني أتعالج".

واختتم حديثه قائلًا:"غلط أن المنتج يكلمني ويقولي إيه أخبار المصحة اللي كنت فيها، بقول للناس عيب يتقال عليا بيدخل اللوكيشن سكران ومخمور، ده أنا بروح قبل ميعادي بساعتين، وبقعد مع العمال وأفطر على الأرض".

وكان الفنان أشرف زكي، قد كشف حقيقة ما يتم تداوله حول إيداع الفنان شريف الدسوقي، في مصحة نفسية.

وقال أشرف في مداخلة هاتفية مع الإعلامي رامي رضوان في برنامجه "مساء dmc":" شريف الدسوقي بخير زي الفل وهو كلمني قالي مش هننفي الخبر ولا ايه، قولتله أنا هطلع أنفي".