جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

مصطفى درويش يدعم شريف دسوقي: دموعك غالية علينا

الثلاثاء 23 مارس 2021 | 04:27 مساءً
ندى عصام
794
مصطفى درويش

دعم الفنان مصطفى درويش، الفنان شريف دسوقي، بعد بكاءه مع الإعلامي عمرو أديب، بسبب الشائعات التي تطلق عليه بأنه يدخل لوكيشن التصوير مخمورًا، إضافة إلى إيداعه في مصحة نفسية، وغيرها من الأمور.

وكتب مصطفى عبر صفحته الشخصية بموقع التواصل الاجتماعي "فيسبوك":"دموعك غالية علينا كلنا يا شريف، كلنا بنحبك، وكلنا معاك، وفي ضهرك، أنت مدرسة كبيرة، والكل يتمنى يتعلم منك، أنت جامد يا أستاذنا، بحبك يا شريف".

وأضاف:"شكرا أجمل إعلامي في مصر عمرو أديب علي القلب الطيب والجمال في النقاش، والطبطبه اللي شفتها منك، مش بتركب ترند وتسخن الدنيا.. ألف شكر ليك كبرت في نظري أوي".

وقال شريف دسوقي في مداخلة هاتفية مع الإعلامي عمرو أديب في برنامج "الحكاية":"أصبت في مسلسل ما، فجأة في 11 يوم جالي الضغط والسكر وقدم سكري، وأنا في تصوير أحد المسلسلات والتي قيل انهم مشوني منها، أصيبت بجرح صغير وقولتلهم ودوني المستشفى وملقتش معايا حد غير المنتج أحمد الجنايني، وخبيت عليه لمدة شهرين أني تعبان وعندي السكر".

وأضاف:"اتفاجأت بعد كده وأنا داخل المسلسلات أنهم بيقولوا شريف دسوقي بيدخل اللوكيشن وهو سكران، وأنا مستحيل أعمل كده لأني متربي في مدرسة إسماعيل ياسين واللي هي بتعتبر المسرح جامع أو كنيسة وليه قدسيته".

وتابع شريف:"أنا مكنش عندي صداع أنا كنت مهدد بالبتر، رجلي كانت هتتبتر وأنا مش عايز أكتر من حقي، مكنتش عايز غير أني أتعالج".

واختتم حديثه قائلًا:"غلط أن المنتج يكلمني ويقولي إيه أخبار المصحة اللي كنت فيها، بقول للناس عيب يتقال عليا بيدخل اللوكيشن سكران ومخمور، ده أنا بروح قبل ميعادي بساعتين، وبقعد مع العمال وأفطر على الأرض".