خالد الصاوي يكشف حقيقة إصابته بورم في المخ: مش سامع

كشف الفنان المصري خالد الصاوي، حقيقة إصابته بورم في المخ، وهو ما تحدث عنه بشكل دقيق عندما حل ضيفا على الإعلامية وفاء الكيلاني في برنامجها "السيرة".

وقال الصاوي:" في الواقع هو ورم ورا المخ مش في المخ، بس طريقة الصياغة اللي اتكتب بيها اتقال كده لأنه ده اتشخص في أمريكا".

وأضاف:" حصلت مشكلة في الأذن نتيجة ان احنا كنا سهرانين وقعدت جنب السماعات شددتها ضربت نص القدرة السمعية للاذن اليمنى".

وتابع:"أنا بقول الموضوع ده عشان أقول إن احنا أحيانا بنحتاج رقابة على الصوت اللي طالع من الأجهزة الصوتية، وتحديد حد أقصى لقوة الصوت اللي تقدر الأذن تستحمله".

واستكمل حديثه:"أنا عرفت إنها باظت لما مراتي تيجي تكلمني أو الجرسون من ناحية أذني ديه مسمعش".

يذكر أن الفنان المصري خالد الصاوي يشارك في موسم رمضان القادم بمسلسل "القاهرة كابول"، ويشاركه البطولة طارق لطفي، وفتحي عبدالوهاب، وحنان مطاوع، ونبيل الحلفاوي، ‏وهو من إخراج حسام علي، وتأليف عبدالرحيم كمال‎.‎

وكان من المقرر أن يتم عرض المسلسل في شهر رمضان الماضي 2020، ولكن بسبب ظروف انتشار فيروس "كورونا" توقف التصوير، وتم تأجيله لشهر رمضان القادم 2021.