بعد انتقادات مشاركة هند صبري.. نشوى مصطفى: الأولى نتخانق أن موكب المومياوات يكون فيه محمد صلاح

علقت الفنانة المصرية نشوى مصطفى، على الإنتقادات التي تعرضت لها الفنانة التونسية هند صبري، بسبب مشاركتها في موكب نقل المومياوات الملكية من المتحف المصري إلى متحف الحضارة.

وكتبت نشوى مصطفى عبر صفحتها الشخصية بموقع التواصل الاجتماعي :فيسبوك":"كلمة أخيرة في احتفالية نقل المومياوات — خلونا نتفق إن أبطال الحدث والنجوم العالميين هما الاتنين وعشرين موميا — اللي أكيد شهرتهم (( العالمية )) أقوى بكتير من شهرة أي حد تاني يعني هما أصحاب الفرح — علشان كدة كنت شايفة الخناقات اللي حصلت على السوشيال ميديا الفترة الأخيرة مش في محلها أوى".

وأضافت:"كان الأولى نتخانق ونطالب أن الموكب يكون فيه مثلاً نجوم عالميين بحجم محمد صلاح — نور الشربينى — خالد النبوي — رامي مالك - مينا مسعود".

وتابعت:"اتمنى أن الشركة المنظمة تكون افتكرت تقدم الدعوة للدكتور مجدي يعقوب — المهندس هاني عازر — وكل النجوم المصريين العالميين في مجالات مختلفة".

واختتمت نشوى حديثها في هذا الأمر، قائلة:"وبإذن الله حيكون حدث عظيم مبهج يساعد مصر سياحياً وبالتالي اقتصاديًا بشكل كبير — ويارب ندعي لجدودنا الفراعنة اللي لحد دلوقتى متمرمغين في خيرهم ونحاول نشتغل ونشتغل ونشتغل علشان ولادنا يفتخروا بينا أو لو مش حابين نشتغل وفرحانين بالرغي والصريخ على السوشيال ميديا — نسيب الناس اللي بتشتغل تشتغل في صمت ومانعطلهمش".